• USD 424.85

  • EUR 504.21

  • RUB 5.84

  • CNY 65.86

24 Qańtar, 11:53:22
Almaty
-3°

Almaty qalasy Kásipkerlik jáne ınvestısııalar basqarmasynyń basshysy Erkebulan Orazalın qalada áleýmettik mańyzy bar azyq-túlik baǵasynyń qalaı turaqtandyrylǵanyn aıtty.

Spıkerdiń aıtýynsha, qazir almatylyqtar 18 túrli ónimdi qoljetimdi baǵamen satyp ala alady. Al munyń bári baǵany retteý múmkindiginiń jáne Almatynyń turaqtandyrý qorynyń arqasynda. 30 maýsymǵa deıin jumyrtqanyń shekti baǵasy belgilengen bolatyn.

Erkebulan Orazalın málim etkendeı, Almaty qalasynyń azyq-túlik qaýipsizdigin qamtamasyz etý, sondaı-aq áleýmettik mańyzy bar azyq-túlik baǵasynyń negizsiz ósýine jol bermeý úshin turaqtandyrý qorynyń qarajaty 8-den 10 mlrd teńgege deıin, ornalastyrylǵan «aınalym» qaryzdary 7-den 8,5 mlrd teńgege deıin artty.

«О́nimniń jalpy kólemi 73,4 myń tonnany quraıtyn áleýmettik mańyzy bar azyq-túlik taýarlarynyń 18 ataýy qamtyldy. «Magným» jáne «Toımart» saýda jelileri, Almaty qalasynyń taýar óndirýshileri «Aqsaı» nan-toqash kombınaty» JShS jáne Almaty oblysynyń taýar óndirýshileri «Union Products» JShS, «MPS» JShS, «Asyl Meat» JShS tartyldy», - dedi Erkebulan Orazalın.

2020 jyldyń qarashasynan beri 14 myń tonnadan astam kókónisti (kartop, sábiz, pııaz, qyryqqabat) saqtaýǵa qoıý jumysy iske asyryldy. Bul, azyq-túlikterdi búginde «Magným» saýda jelisinen belgilengen áleýmettik baǵa boıynsha alýǵa bolady.

«Atalǵan kókónisti naryqtyń ortasha baǵasynan tómen baǵa boıynsha saqtaýǵa qoıýdy iske asyrý, jalpy alǵanda, qala boıynsha atalǵan kókónis qatarlarynyń baǵalaryn turaqtandyrý múmkin boldy», - dep tolyqtyrdy vedomstvo basshysy.

Búginde «Magným» jáne basqa da saýda jelilerin 22 myń tonna kókónispen qamtamasyz etý úshin 2021-2022 jylǵy maýsymaralyq kezeńge kókónisti «forvardtyq» satyp alý týraly 2,5 mlrd teńgege kelisim jasaldy.

Qalanyń 7 negizgi azyq-túlik bazarynda: «Kók bazar», «Jańa Aqbulaq» (kóterme bazar), «Sary-Arqa», «Tastaq», «Taýsamaly», «Almaty-1», «Túrksib» jármeńkesinde «Áleýmettik dúkender» ashyldy. Onda «Altyn Orda» bazarynyń kóterme baǵalary boıynsha áleýmettik-mańyzy bar azyq-túlik taýarlarynyń 10 ataýy satylady.

Bul bazarlardan kartop, sábiz, pııaz, qyryqqabat, qant, qaraqumyq, kúnbaǵys maıy, kúrish, kespe, undy arzan baǵaǵa satyp alýǵa bolady.

Erkebulan Orazalın bul satý núkteleriniń turaqty túrde jumys isteıtinin atap ótti. Sonymen birge Túrkistan oblysynan qyryqqabattyń jańa óniminiń jetkizilýin uıymdastyrý máselesi pysyqtalýda.

«Qazir biz turaqtandyrý qoryna 500 tonna kúrish pen 300 tonna qaraqumyq jarmasyn satyp alýdy júrgizip jatyrmyz. Oǵan qosa,satyp alynatyn ónimniń ataýy men kólemin arttyrý máselesi pysyqtalýda», - dep habarlady basqarmanyń basshysy.

E. Orazalın baǵany kóterýge sebep joqtyǵyn alǵa tartty. Ákimdiktiń Kásipkerlik jáne ınvestısııalar basqarmasy áleýmettik mańyzdy taýarlardyń barlyq túrleri boıynsha baǵa turaqtylyǵyn qatań baqylaýdy qamtamasyz etedi.

Júrgizilgen jumystardyń arqasynda baǵalar 100% turaqtandyryldy.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir