Almaty jastaryna qatysty baǵdarlamanyń sanaty keńeıip, jeńildetilgen qaryz somasy ulǵaıdy

«Almaty jastary 3.0»: sanat tizimi keńeıip, jeńildetilgen qaryz somasy ulǵaıdy. Bul týraly qala ákimi Baqytjan Saǵyntaev jelidegi paraqshasynda jazdy.

Ákim jeńildetilgen turǵyn úı nesıesin berý boıynsha qalalyq baǵdarlamada qandaı jańalyqtar paıda bolǵanyn jáne qansha ótinish túskenin habarlady.

«О́tken jyly jumys isteıtin jastardy turǵyn úımen qamtamasyz etý boıynsha «Almaty jastary 3.0» biregeı qalalyq baǵdarlamany ázirlep, iske qostyq. 35 jasqa deıingi myńdaǵan jas almatylyqtar 25 jylǵa deıingi merzimge jyldyq mólsherlemesi 5%-ben jeńildetilgen turǵyn úı zaemyn alý quqyǵyna ıe boldy. Barlyǵy – 1 myń qaryz», - dep jazdy B. Saǵyntaev.

Baqytjan Saǵyntaevtyń málimetinshe, suranystyń artqany eskerilip, bıyl baǵdarlama jalǵasyn tapty. Bul rette qaryz somasy 5 mln teńgeden 18 mln teńgege deıin ulǵaıdy. Burynǵysha turǵyn úıdi bastapqy jáne qaıtalama naryqtan tańdaýǵa múmkindik bar.

Sanat tizimi de keńeıtildi. Endi medısına qyzmetkerleri, muǵalimder, JOO men ǴZI oqytýshylary men ǵylymı qyzmetkerleri, mádenıet jáne sport salasynyń qyzmetkerleri, jýrnalıster, jazýshylar, halyqty áleýmettik qorǵaý salasyndaǵy qyzmetkerler sııaqty kásip ókilderimen birge quqyq qorǵaý organdarynyń qyzmetkerleri de baǵdarlamaǵa qatysý quqyǵyna ıe boldy.

Bıyl 10-31 naýryz aralyǵynda 9 741 ótinish kelip tústi, Onyń 3 828-i baǵdarlama talaptaryna sáıkes kelmegendikten qabyldanbady.

Baǵdarlamaǵa qatysýǵa 5 913 ótinish qabyldandy. Sonyń ishinde densaýlyq saqtaý salasynyń qyzmetkerlerinen – 1 716; bilim berý – 2 356; mádenıet – 225; sport – 55; JOO jáne ǴZI qyzmetkerleri – 639; BAQ – 111; Áleýmettik sala – 57; quqyq qorǵaý organdary – 754.

Baldy eseptegennen keıin sala boıynsha eń kóp ball jınaǵan myń úmitker 15 jumys kúni ishinde «Otbasy bankke» tólem qabilettiligin rastaý úshin joldama alady. Tólem qabilettiligin rastaǵan qatysýshylar 45 jumys kúnniń ishinde bastapqy jáne qaıtalama naryqta turǵyn úıdi derbes tańdaýdy júzege asyrady.

Tizimdi www.almaty-zhastary.kz saıtynan kórýge bolady.