• USD 468.56

  • EUR 497.56

  • RUB 7.3

  • CNY 67.18

28 Naýryz, 18:18:42
Almaty
+35°

Bilim jáne ǵylym mınıstri Ashat Aımaǵambetov bilim berý úshin mańyzdy normalar qamtylǵan zań jobasy qabyldanǵanyn habarlady. Bul týraly ol Facebookparaqshasynda jazdy.

Mınıstr naqty eki taqyrypqa toqtalyp ótti:

  • Erekshe bilim berýge qajettiligi bar balalarǵa túzetý kómegin kórsetýge memlekettik tapsyrys berý.
  • Memlekettik joǵary oqý oryndaryn memleket menshiginde qaldyrý.


– Birinshi, sońǵy ýaqytta erekshe bilim berýge qajettilikteri bar balalar sany kóbeıip jatyr. Osy sanattaǵy balalardyń erekshe qajettilikterin anyqtalǵannan keıin, olardy qurdastarymen qatar oqytý úshin arnaıy pedagogterdiń kómegi qajet.

Mundaı kómek alǵan balalar ınklıýzıvti ortaǵa jaqsy beıimdeledi. Sonymen qatar, oqý materıalyn áldeqaıda ońaı ıgeredi. Al keıbireýleri erekshe kómekke muqtajdyqtan tolyǵymen arylady. Olarmen defektologtar, psıhologtar, logopedter jáne t.b. mamandar jumys isteıdi.

Kelesi másele ýnıversıtetterge qatysty.

Joǵary oqý oryndary memlekettik kásiporyndardan aksıonerlik qoǵamdarǵa ózgergennen keıin akademııalyq ortada ýnıversıtetterdi jekeshelendirýge baılanysty túsinispeýshilikter paıda boldy.

Ásirese, bul máseleni ál-Farabı atyndaǵy QazUÝ, Sátbaev ýnıversıteti, Abaı atyndaǵy QazUPÝ, E.A. Bóketov atyndaǵy QarMÝ oqytýshylary kóterdi. Atalǵan máseleni túpkilikti sheshý úshin zańǵa túzetýler engizýge bastamashylyq jasadyq.

Endi memlekettiń 100% menshigindegi joǵary oqý oryndaryn jekeshelendirýge múmkindik bolmaıdy, demek bul ýnıversıtetter memlekettiń menshiginde qalady, – dedi Aımaǵambetov.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir