Qazaqstannyń bas sanıtar dárigeri Erlan Qııasov shetelge demalýdy josparlaǵan qazaqstandyqtarǵa úndeý jasady.  

– Jaqyn arada COVID-19 boıynsha epıdemıologııalyq ahýaly asa qolaısyz elderge demalysty nemese ózge de saparlardy josparlaǵan barlyǵyńyzǵa málimdeme jasaǵym keledi. Men koronavırýs ınfeksııasy keń taraǵan Úndistan, Túrkııa, sondaı-aq Eýropanyń, Latyn Amerıkanyń, ońtústik-shyǵys Azııanyń keıbir elderine barýdan bas tartýdy suraımyn. Atalǵan elderde kún saıyn qaýipti indet juqtyrǵandar sany eselep artyp, antırekordtyq kórsetkish kún saıyn jańarýda, – dedi Qııasov.

Sondaı-aq ol koronavırýs ınfeksııasy jańa shtamdarynyń juǵý jyldamdyǵy óte joǵary jáne qoǵamǵa, jalpy densaýlyq saqtaý júıesine asa qaýip tóndiretinin atap ótti. 

– Sondyqtan demalysty keıinge qaldyrýǵa keńes beremin, óıtkeni bul sizdiń densaýlyǵyńyz ǵana emes, sizdiń jaqyndaryńyzdyń amandyǵy, ult densaýlyǵy ekenin umytpańyz, – dedi bas sanıtar dáriger.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir