Foto: Aqorda saıty
Nursultan Nazarbaev Qazaqstan halqy assambleıasy tóraǵasy qyzmetinen ketip, ókilettigin prezıdent Qasym-jomart Toqaevqa ótkizedi. Bul týraly Qazaqstan halqy assambleıasynyń elordadaǵy "Birliktiń, tatýlyq pen kelisimniń 30 jyly" dep atalatyn kezekti otyrysynda belgili boldy, dep jazady sputnik.kz saıty.
– Elbasy týraly konstıtýsııalyq zańǵa sáıkes, maǵan QHA-ny ómir boıy basqarýǵa quqyq berilgeni málim. Biraq men túbegeıli bas tartpaımyn, udaıy sizdermen bolamyn. Biraq birqatar ókilettikter prezıdentke bekitilgen. QHA qazirgi prezıdentke arqa súıeýge tıis. Memleket basshysy da QHA-ǵa arqa súıeıdi. Men Qazaqstan halqy assambleıasyn basqarý quqyǵyn Toqaevqa berýdi sheshtim, – dedi Nursultan Nazarbaev.
Qazaqstandy 30 jylǵa jýyq basqarǵan Nursultan Nazarbaev 2019 jylǵy 19 naýryzda prezıdent retinde ókilettigin toqtatqan. Alaıda Qaýipsizdik keńesi men NurOtan partııasyna tóraǵalyq etý arqyly bılikke áli yqpal etip otyr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir