Toqaev "Spýtnık V" vaksınasynyń ekinshi dozasyn aldy

Prezıdent Qasym-Jomart Toqaev búgin "Spýtnık V" vaksınasynyń ekinshi komponentin aldy. Bul týraly onyń baspasóz hatshysy Berik Ýálı habarlady.

– Ekpe saldyrǵannan keıin prezıdenttiń densaýlyǵynda eshqandaı kinárat baıqalǵan joq. О́ziniń jumys kestesine sáıkes qyzmetin qyzý atqaryp jatyr.

Qasym-Jomart Kemeluly elimizdegi vaksınasııa qarqynyn tómendetpeý kerek dep sanaıdy. Memleket basshysy ekpe saldyrý barlyq shekteýlerden aryltyp, qaıta qalypty ómirge bastaıtyn, COVID-19 pandemııasyn jeńetin jalǵyz jol ekenine kámil senedi, – dep jazdy Berik Ýálı.

Eske sala keteıik, prezıdent vaksınanyń birinshi komponentin 6 sáýirde saldyrǵan bolatyn.