27 Sáýir, 2021 NEWS
Foto: vıdeodan skrınshot
Mańǵystaý oblysynda zańsyz ań aýlaǵan eki polıseı jumystan bosatyldy. Bul týraly oblystyq polısııa departamentiniń bastyǵy Janarbek Baqtybaev málimdedi.
– 26 sáýir 2021 jyly áleýmettik jelilerde Mańǵystaý oblysynda brakonerlerdiń izine túsip qýǵany beınelengen beınerolık taralǵan bolatyn. Olardyń arasynda ishki ister organdarynan eki polısııa qyzmetkeri boldy. Bizdiń qatarymyzda mundaı qyzmetkerlerge oryn joq. Bul oqıǵadan keıin eki qyzmetker de ornynan bosatyldy. Brakonerliktiń birde-bir faktisi jazasyz qalmaıtynyn, al qylmysker qarapaıym adam nemese quqyq qorǵaý organdarynyń qyzmetkeri bolýyna qaramastan jazalanatynyn málimdegim keledi. Zań barshaǵa ortaq, – dep jazdy facebook paraqshasynda oblystyq polısııa departamentiniń basshysy Janarbek Baqtybaev.
Buǵan deıin 23 sáýirde Qyzylsaı tabıǵı parkiniń aýmaǵynda zańsyz ań aýlaǵan tórt qarýly adam ustalǵany habarlanǵan. Aqtaý qalasy turǵyndarynyń aıtýynsha, ustalǵandardyń ekeýi Mańǵystaý aýdanynyń ýchaskelik polısııa ınspektorlary bolǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir