• USD 424.85

  • EUR 504.21

  • RUB 5.84

  • CNY 65.86

18 Qazan, 10:33:46
Almaty
+10°
2021 jyly Qazaqstanda Chernobyl ardagerleri jalpy somasy 540,7 mln teńgege birjolǵy tólem alady. Bul týraly eńbek jáne halyqty áleýmettik qorǵaý mınıstrligi habarlady.

Jyl saıyn jergilikti atqarýshy organdar Chernobyl apatynyń qurbandaryn eske alý kúnine (26 sáýir) nemese basqa kúnderge (9 mamyr – Uly Otan soǵysyndaǵy Jeńis kúnine) oraı áleýmettik kómek kórsetedi.

"Arnaýly memlekettik járdemaqy ardagerlerge ózge áleýmettik tólemderge qaramastan tólenedi. Jeńildikter boıynsha UOS qatysýshylaryna teńestirilgen adamdar úshin AMJ mólsheri 6,19 aılyq eseptik kórsetkishti quraıdy (2021 jyly – 18 056 teńge), jeńildikter boıynsha UOS múgedekterine teńestirilgen adamdar úshin – 7,55 AEK (2021 jyly – 22 024 teńge). Chernobyl AES-indegi apattyń saldarynan múgedek bolyp qalǵan adamdarǵa AMJ-men qatar, kúnkóris deńgeıi men múgedektik tobyna, sebebine qaraı múgedektik boıynsha memlekettik áleýmettik járdemaqy tólenedi. Járdemaqy mólsheri jyl saıyn ınflıasııa deńgeıine baılanysty ósetin eń tómengi kúnkóris deńgeıi aıasynda kóterilip otyrady" delingen mınıstrlik taratqan aqparattyq habarlamada.

Ardagerlerge stasıonarlyq medısınalyq kómek UOS múgedekteri men ardagerlerine arnalǵan 2 mamandandyrylǵan respýblıkalyq gospıtal qabyrǵasynda (Almaty jáne Nur-Sultan qalalarynda) kórsetiledi.

2021 jyly jergilikti bıýdjet qarajaty esebinen 6 055 Chernobyl ardagerine 5 AEK-ten (14 585 teńge) 70 AEK-ke deıin (204 190 teńge) 540,7 mln teńge somasynda áleýmettik kómek kórsetý kózdelgen. Áleýmettik kómektiń mólsheri qazyna múmkindigine qaraı jergilikti ókiletti organdardyń (máslıhattardyń) sheshimi boıynsha árbir óńirde jeke belgilenedi.

El boıynsha apat saldaryn joıýǵa 32 myńǵa jýyq qazaqstandyq qatysqan.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir