• USD 468.56

  • EUR 497.56

  • RUB 7.3

  • CNY 67.18

29 Naýryz, 08:49:01
Almaty
+35°

Eńbek jáne halyqty áleýmettik qorǵaý mınıstrligi zeınetaqy júıesin odan ári jańǵyrtýdyń 2030 jylǵa deıingi tujyrymdamasyna túzetýler ázirledi. Bul týraly vedomstvonyń baspasóz qyzmeti habarlady.

Is júzindegi tujyrymdama aıasynda 2028 jyldan bastap bazalyq zeınetaqy tóleminen eń tómengi kepildendirilgen zeınetaqyǵa kóshý kózdelgen. Sondyqtan eń tómengi kepildi zeınetaqyny taǵaıyndaý tetigi, belgili bir tustaryn jetildire otyryp, bazalyq zeınetaqyny taǵaıyndaýdyń qoldanystaǵy ádistemesine negizdelgen.

Qazirgi ýaqytta eń tómengi kepildi zeınetaqyny taǵaıyndaý tetigi qarastyrylyp jatyr:

– eń tómengi mólsherdi eń tómengi kúnkóris deńgeıiniń 54 paıyzynan 70 paıyzyna deıin ulǵaıtý usynylady;

– qatysýdyń eń az ótilin 10 jyldan 5 jylǵa deıin azaıtý;

– zeınetaqy mólsherin shekteýdi alyp tastaý (qazirgi ýaqytta eń joǵary shekteý 33 jyl jáne odan kóp bolǵan jaǵdaıda 1 kúnkóris deńgeıin quraıdy).

Jańǵyrtýdyń taǵy bir mańyzdy baǵyty 2023 jyldan bastap jumys berýshilerdiń 5 paıyz mindetti zeınetaqy jarnasyn engizý bolyp esepteledi. Jumys berýshiler óz qarajaty esebinen jumysshylardyń paıdasyna jumyskerdiń tabysynan mindetti 5 paıyz zeınetaqy jarnasyn aýdaratyn bolady.

Prezıdent jumys berýshilerdiń mindetti zeınetaqy jarnalarynyń maqsatyn shartty-jınaqtaýshy quramdaýyshty qalyptastyrýdan azamattardyń jeke zeınetaqy jınaqtaryn tolyqtyrýǵa ózgertý tásilderin maquldady. Sondaı-aq salyq kodeksiniń sheńberinde jumys berýshilerge júktemeni tómendetý úshin engiziletin jumys berýshilerdiń mindetti zeınetaqy jarnasyn shegerimge jatqyzý bóliginde jeńildikter berilgen.

Mundaı tásil halyqaralyq zeınetaqymen qamsyzdandyrý standarttaryna sáıkes keletin zeınetkerlik jasqa jetken kezde (zeınetke shyqqannan keıin tabysty almastyrý koeffısıenti) salymshylardyń zeınetaqy jınaqtarynyń barabar deńgeıin saqtaýǵa, sondaı-aq jaqyn keleshekte barlyq salymshylardyń zeınetaqy jınaqtaryn maqsatty paıdalaný (turǵyn úı satyp alýǵa, emdelýge aqy tóleýge) quqyǵyn iske asyrýǵa múmkindik beredi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir