• USD 469.17

  • EUR 495.07

  • RUB 7.56

  • CNY 67.46

06 Jeltoqsan, 04:21:36
-6°

Búgin Jer reformasy jónindegi komıssııanyń otyrysynda jer ıeligine qatysty normalarǵa belgilengen moratorıı merzimin 5 jylǵa uzartý týraly sheshim qabyldandy.

– Aýyl sharýashylyǵy jerleriniń elektrondy formatta kópshilikke ashyq túrde berý tetigin engizý qajet. Ony ótken senbide birge talqyladyq. Az degende 2023 jylǵa deıin ýaqyt kerek. Ony da qarastyrý kerek. Sondyqtan barsha azamat jer ıelikke nemese paıdalanýǵa berýdiń ádiletti jáne ashyq ótetindigine kóz jetkizý qajet. О́tken aptada osy jerde keremet, tarıhı sheshim qabyldandy dep oılaımyn. Jerdi jalǵa 49 jylǵa berýge baılanysty sheshim qabyldandy. Onyń ózi jerdiń qazirgi ekonomıkalyq aınalymǵa enýine tolyqtaı múmkindik týǵyzyp jatyr. Menshikke baılanysty "bolady ne bolmaıdy" dep sheshim qabyldamaı, ony bolashaqqa qaldyrý kerek dep oılaımyn, –  dedi otyrys barysynda QR premer-mınıstriniń orynbasary Eraly Toǵjanov.

Onyń aıtýynsha, jerdi menshikke berýge qatysty sheshimdi bolashaqqa qaldyrýdyń bir-aq joly bar.

– Aýyl halqy bolashaqta osy máselege qatysty tikeleı sheshim qabyldaýy kerek shyǵar. Parlamentte biraz másele kóteriletindigi aıtyldy. Sonyń bárin bolashaqta eskere otyryp, osy iske az degende 3 jyldan 5 jylǵa deıin ýaqyt kerek degen oıda otyrmyn. Asyǵystyq jasaýǵa bolmaıdy. Olaı bolsa, jer ıelgine qatysty normalarǵa jyl sońyna deıin belgilengen moratorıı merzimin 5 jylǵa uzartýdy usynamyz. Bir ǵana sheshim bolýy kerek qoı dep oılaımyn. Qazir birneshe sheshim qabyldaýǵa, eldi jan-jaqqa tartýǵa esh qaqymyz joq. Osy jerdegi árbir azamat jaýapkershilikti moınyna alyp otyr dep oılaımyn. Sondyqtan, komıssııa músheleri osyndaı ortaq pikirge toqtalsaq degen usynysty ortaǵa salamyn, – dedi Eraly Toǵjanov.

Komıssııa músheleri jer ıeligine qatysty normalarǵa jyl sońyna deıin belgilengen moratorıı merzimin 5 jylǵa uzartýdy qoldap daýys berdi.

Derekkóz: inform.kz

"Qamshy" silteıdi
Ilmek sózder: Jer daýy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir