• USD 475.51

  • EUR 464.15

  • RUB 8.2

  • CNY 66.85

03 Qazan, 21:24:21
Almaty
+12°

Prezıdent Qasym-Jomart Toqaev premer-mınıstr Asqar Mamın men densaýlyq saqtaý mınıstri Alekseı Soıdy qabyldady, dep habarlady Aqorda saıty.

Úkimet músheleri memleket basshysyna eldegi sanıtarlyq-epıdemıologııalyq ahýal, halyqqa vaksına salý barysy, respýblıkanyń áleýmettik-ekonomıkalyq damýynyń ózekti máseleleri jaıynda aqparat berdi.

Sondaı-aq kezdesý barysynda otandyq QAZVAC vaksınasynyń óńirlerge jetkizilýi jáne halyqqa ekpe egýge qatysty qabyldanyp jatqan sharalar jaıynda aıtty. Asqar Mamınniń aıtýynsha, sáýirden bastap aı saıyn 2 mıllıon adamǵa vaksına salý josparlanyp otyr.

Premer-mınıstr 26 sáýirden bastap "ASHYQ" qosymshasyn barlyq oblystar keń kólemde qoldanyla bastaıtynyn atap ótti. Bul "qyzyl" jáne "sary" aımaq kezinde ekonomıkanyń ártúrli sektorynyń qaýipsiz jumys isteýine múmkindik bermek.  

Memleket basshysyna berilgen aqparattarǵa sáıkes, juqpaly aýrýlar aýrýhanasyndaǵy oryndar 42 paıyzǵa, jan saqtaý bólimderi 28 paıyzǵa tolyq. Dári-dármektiń, jeke qorǵanys quraldarynyń qajetti qory jasaqtalǵan, PTR-zerthanalary kúnine 123 myń adamǵa deıin qyzmet kórsete alady. 25 myń tósek-oryn qory bar, barlyq óńirde zamanaýı quraldarmen jabdyqtalǵan jańa juqpaly aýrýlar aýrýhanalary jumys istep tur. 

Kezdesý sońynda prezıdent úkimetke otandyq vaksına óndirisin arttyrýdy jáne onyń halyqqa qol jetimdi bolýyn erekshe baqylaýda ustaýdy tapsyrdy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir