• USD 424.85

  • EUR 504.21

  • RUB 5.84

  • CNY 65.86

24 Qazan, 17:46:07
Almaty
+10°

26 sáýirden bastap Mańǵystaý oblysynyń qoǵamdyq tamaqtaný oryndarynda «ASHYQ» mobıldi qosymshasy iske qosylady. Qazirgi tańda óńirlik kásipkerler palatasynyń qyzmetkerleri áleýmettik jobanyń jumys isteý tásilin kásipkerlerge túsindirýde. Bul mobıldi qosymshanyń bir artyqshylyǵy – qazirgi «Qyzyl aımaq» jaǵdaıynda «Sary aımaqtyń» talaptary oryndalsa, «Sary aımaq» rejıminde «Jasyl aımaqqa» saı jeńildikter jasalady.

– Qazir bıznestiń 8 baǵyty bul jeńildikti paıdalana alady. 5 mamyrdan bastap meıramhana, karaokeler enedi. Ár kásipker «Infokazakhstan» saıty arqyly QR–kod alyp, kelýshilerdi sol arqyly tekserip kirgizedi. Halyqtyń densaýlyq jaǵdaıy PSR jáne «Kovıd2021» bazasynan lezde tekseriledi. Telefondaǵy málimetti ǵımarat ıesine ne ákimshisine kórsetip, erkin kire alady. Bul bıznestiń jabylmaýyna, kópshiliktiń qalaǵan jerine kirýine múmkindik beredi. Joba Almaty men Nursultan qalalarynda sátti júzege asty. Qazir Mańǵystaýda 5 mekeme osy qosymshanyń kómegimen jumys isteýde. Onyń úsheýi qoǵamdyq tamaqtaný orny, spa ortalyq pen sport kesheni, – deıdi óńirlik kásipkerler palatasy dırektorynyń orynbasary Aqqý Aıtjan.

Foto: Mańǵystaý oblysy ákiminiń baspasóz qyzmeti

Mobıldi qosymsha koronavırýstyq ınfeksııanyń kásipkerlik sýbektilerinde taralý qaýpin tómendetýge baǵyttalǵan. Qazirgi tańda Aqtaý qalasynda «Ashyq» mobıldi qosymshasyna tirkelgen birneshe kásipkerlik nysan óz jumysyn jasap jatyr. Mańǵystaý oblystyq kásipkerlik jáne saýda basqarmasy men óńirlik kásipkerler palatasynyń ókilderi qosymshany qoldanyp otyrǵan qoǵamdyq tamaqtaný oryndaryna monıtorıng ta júrgizdi. Belsendi top «Fistashka», «Ali Baba», «Barashka» kafesine tekseris júrgizý barysynda qosymshanyń artyqshylyǵyn da túsindirdi.

– Kelýshi telefonyna «Ashyq» mobıldi qosymshasyn júktep, telefon nómirimen tirkep, JSN engizip, mekemeniń QR-kodyn skanerleý qajet. Sondaı-aq, shyǵý kezinde de QR kodyn skanerleý kerek. Ol adamnyń indetti juqtyrǵandyǵyn nemese juqtyrmaǵandyǵyn kórsetedi. QR kody tek kásipkerlik sýbektisine ǵana beriledi. Jobaǵa qatysatyn kásipkerler ózderiniń QR-kodtaryn InfoKazakhstan.kz platformasy arqyly ala alady. QR-kod jalpy 4 mártebeni kórsetedi: jasyl, kók, sary jáne qyzyl, – deıdi Mańǵystaý oblysy saýda jáne kásipkerlik basqarmasy basshysynyń orynbasary Muqanbetjan Kóbegen.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir