Foto: Túrkistan oblysynyń ákimdigi
Prezıdent Qasym-Jomart Toqaevtyń jarlyǵymen jańadan qurylǵan Túrkistan oblysy Saýran aýdanynyń alǵashqy ákimi taǵaıyndaldy. Bul týraly oblys ákiminiń baspasóz qyzmeti habarlady.
"Qazaqstan Respýblıkasy Konstıtýsııasynyń 87-babyna sáıkes, QR Prezıdenti Ákimshiliginiń kelisimimen jáne Saýran aýdandyq máslıhaty depýtattarynyń biraýyzdan qoldaýymen, Saýran aýdany ákiminiń laýazymyna buǵan deıin oblys ákimi apparaty basshysynyń orynbasary qyzmetin atqaryp kelgen Ǵanı Qurmashuly Rysbekov taǵaıyndaldy" delingen habarlamada.
Ǵanı Rysbekov 1962 jyl 8 sáýirde Túrkistan qalasynda týylǵan. Qazaq, bilimi joǵary. 1986 jyly Selınograd aýyl sharýashylyǵy ınstıtýtyn ǵalym agronom mamandyǵy, 2005 jyly Q.A.Iаsaýı atyndaǵy Halyqaralyq Qazaq-Túrik ýnıversıtetin qarjyger mamandyǵy boıynsha bitirgen.
Eńbek jolyn 1979 jyly Túrkistan qalasynda Chapaev atyndaǵy kolhozda jumysshy bolyp bastaǵan. 1980-2015 jyldar aralyǵynda Túlkibas jemis-jıdek zaýytynyń jumysshysy, Selınograd oblysy Balhash aýdany Veselovskıı sovhozynyń aǵa agronomy, Túrkistan aýdany ákimi apparaty uıymdastyrý bóliminiń ınspektory, meńgerýshisi, Túrkistan qalasy jastar isi sport jáne týrızm basqarmasynyń bastyǵy, Túrkistan qalasy ákimdiginiń sharýashylyq basqarmasy memlekettik mekemesiniń bastyǵy, Túrkistan qalalyq máslıhatynyń hatshysy bolǵan.
2019 jyldan beri Kentaý qalasynyń ákimi, Qazaqstan halqy Assambleıasy Túrkistan oblystyq fılıaly tóraǵasynyń orynbasary, oblys ákimi apparaty basshysynyń orynbasary qyzmetterin atqaryp keldi. "Eren eńbegi úshin" medalimen, "Qurmet" ordenimen marapattalǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir