Jýyrda ǵana "Samuryq-Qazyna" ulttyq ál-aýqat qory" aksıonerlik qoǵamy basqarma tóraǵasy qyzmetinen ketken Ahmetjan Esimov jańa qyzmetke taǵaıyndaldy. Bul týraly Elbasy, Qaýipsizdik keńesi tóraǵasy Nursultan Nazarbaevtyń baspasóz hatshysy Aıdos Úkibaı habarlady.

"Qazaqstan Respýblıkasy tuńǵysh prezıdenti – Elbasynyń sheshimimen Esimov Ahmetjan Smaǵululy tuńǵysh prezıdenttiń shtattan tys keńesshisi bolyp taǵaıyndaldy" dep jazdy Aıdos Úkibaev twitter-de.

Ahmetjan Esimov 1950 jyly Almaty oblysy Qaskeleń aýdanynda týǵan. Qazaq aýyl sharýashylyǵy ınstıtýtyn, Reseı Qoǵamdyq ǵylymdar akademııasyn bitirgen.

1990 jyldan beri joǵary laýazymdy qyzmetter atqaryp keledi. Táýelsizdiktiń alǵashqy jyldary Qazaq KSR Memlekettik agroónerkásiptik komıteti tóraǵasynyń birinshi orynbasary boldy. Munan soń premer-mınıstr orynbasary, memlekettik hatshysy, prezıdent ákimshiliginiń basshysy, Benılıýks elderindegi (Belgııa Koroldigi, Nıderlandy Koroldigi jáne Lıýksembýrg Uly Gersogtigi) Qazaqstan elshisi, birneshe márte Aýyl sharýashylyǵy mınıstri, Almaty qalasynyń ákimi "Astana EKSPO-2017" Ulttyq kompanııasynyń, "Samuryq-Qazyna" ulttyq ál-aýqat qorynyń tóraǵasy qyzmetterin atqardy.

Sońǵy qyzmeti – "Samuryq-Qazyna" ulttyq ál-aýqat qorynyń basqarma tóraǵalyǵynan ketkende saıasatker zeınet demalysyna shyǵatyny habarlanǵan. Búginde Ahmetjan Esimov 70 jasta.

"Qamshy" silteıdi
Ilmek sózder: Ahmetjan Esimov

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir