• USD 468.56

  • EUR 497.56

  • RUB 7.3

  • CNY 67.18

07 Aqpan, 03:35:37
Almaty
-2°
Senator, jer reformasy boıynsha komıssııa múshesi Murat Baqtııaruly aýyl sharýashylyǵy maqsatyndaǵy jerdi Qazaqstan azamattaryna da satýǵa qarsy ekenin málim etti. Onyń pikirinshe, azamattardyń jartysynan astamy orta tapqa aınalmaıynsha, bul máseleni qozǵaýdyń qajeti joq.
 
"Jer reformasy boıynsha qurylǵan komıssııanyń múshesimin. Biraq qatty syrqattanyp qalýyma baılanysty komıssııa otyrystaryna qatysýǵa esh múmkindigim bolmady. Komıssııa aýqymdy jumys jasap jatqanynan habardarmyn. Jerge qatysty qoǵamda alýan túrli pikirler baryn da bilemin. Ony tarazylap naqty bir baılamǵa keltirý komıssııa úshin ońaı sharýa emes ekenin de túsinemin.
 
2016 jyly jerdi sheteldikterge satý men jalǵa berýge qatysty zańǵa senator Qýanysh Aıtahanovpen birge qarsy bolǵanbyz. Daýysymyz estilmedi. Prezıdentimizge úlken rahmet, bul máseleni túbegeıli sheship berdi. Endigi úlken alańdaýshylyq týdyratyn jaıt-jerdi óz azamattarymyzǵa jeke menshikke satý, satpaý máselesi. Kóptegen memleketterde jerdi naryqtyq taýar retinde qarap jeke menshikke satyp jatady. Bizdegi jaǵdaı múldem bólek. Ǵasyrlar boıy halqymyz jerdi tovar retinde emes, ony Anaǵa tıep, Jer ANA dep qasterlep keldi. Sondyqtan da osy eldiń azamaty men komıssııa múshesi, senator retinde jerdiń óz azamattarymyzǵa da satylýyna qarsymyn. Bul meniń azamattyq ustanymym. Ultymyzdyń jartysynan astamy orta tapqa aınalmaıynsha bul máseleni qozǵamaýymyz kerek. Keler urpaqtyń úlesine qaldyraıyq. Qazirgi kezde jerdiń ıesi tek memleket bolýy tıis. Jerdi paıdalanam degen azamattarǵa tek jalǵa ǵana berýge kedergisiz barlyq múmkindikter jasalý qajet" dep jazdy senator óziniń facebook paraqshasynda.
 
Buǵan deıin 14 sáýirde májilis "Qazaqstan Respýblıkasynyń keıbir zańnamalyq aktilerine jer qatynastary máseleleri boıynsha ózgerister men tolyqtyrý engizý týraly" zań jobasyn ekinshi oqylymda maquldap, senatqa joldady. Zań jobasy aýyl sharýashylyǵy maqsatyndaǵy jer ýchaskelerin sheteldikterge jalǵa berýge tyıym salýdy kózdeıdi.

Qoǵam belsendileri men jer reformasy jónindegi komıssııanyń keı músheleri jerdi Qazaqstan azamattaryna da satýǵa bolmaıdy degen pikirde. Olar jer qazaqstandyqtarǵa satylatyn bolsa, oǵan aqshasy barlardyń ǵana qoly jetip, munyń arty jerge ıelik etetin alpaýyttardyń shyǵýyna ákelip soǵatynyn aıtady. Sondaı-aq jerdi qazaqstandyqtarǵa rásimdep, shetel azamattary emin-erkin paıdalyp otyrýy múmkin degen qaterdi alǵa tartady.

"Qamshy" silteıdi
Ilmek sózder: jer daýy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir