Kórneki sýret
Elde 18 sáýirde koronavırýstan 30, pnevmonııadan 3 adam qaıtys bolǵan. Bul týraly densaýlyq saqtaý mınıstrligi habarlady.
Mınıstrlik dereginshe, elde taǵy 2530 adamnan koronavırýs, 11 adamnan pnevmonııa anyqtalǵan.
20 sáýirdegi málimet boıynsha, 38 634 adam koronavırýstan, 363 adam pnevmonııadan emdelip jatyr. Olardyń ishinde 13 836 pasıent stasıonarda, 25 161 naýqas ambýlatorııalyq deńgeıde em qabyldaýda.
Indetke shaldyqqandardyń arasynda 663 adamnyń jaǵdaıy aýyr, 176 pasıenttiń jaǵdaıy óte aýyr, 96 naýqas О́JJ apparatynda jatyr.
2020 jylǵy 13 naýryzdan 2021 jylǵy 19 sáýirge deıin el boıynsha resmı túrde koronavırýstyń 292 250 jaǵdaıy tirkelgen. Onyń ishinde 3436 adam qaıtys bolǵan. 2020 jylǵy 1 tamyzdan bastap júrgizile bastaǵan pnevmonııa statıstıkasy boıynsha, 51 890 jaǵdaı tirkelip, 754 jaǵdaı ólimmen aıaqtalǵan.
2021 jylǵy 1 aqpanda bastalǵan vaksınasııa aıasynda búginde 733 980 adamǵa ekpe salynǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir