Elde bir táýlikte 23 adam koronavırýs pen pnevmonııadan qaıtys bolǵan

Bir táýlikte elde  2719 adamnan koronavırýs tabylyp, 35 naýqastan pnevmonııa anyqtalǵan. 22 adam koronovırýstan, 1 adam pnevmonııadan qaıtys bolǵan. Bul týraly densaýlyq saqtaý mınıstrligi habarlady.

Elde koronavırýs juqtyrǵandardyń jalpy resmı sany 289 720 adamǵa jetse, 2020 jylǵy 1 tamyzdan bastap júrgizilip kele jatqan pnevmonııa statıstıkasyna sáıkes, 51 879 adamnan pnevmonııa anyqtalǵan.

19 sáýirdegi aqparat boıynsha 38 620 adam koronovırýs pen pnevmonııadan emdelip jatyr. Olardyń ishinde 14 147 pasıent stasıonarda, 24 473 naýqas ambýlatorııalyq deńgeıde em qabyldaýda. Indetke shaldyqqandardyń arasynda 674 adamnyń jaǵdaıy aýyr, 176 pasıenttiń jaǵdaıy óte aýyr, 99 naýqas О́JJ apparatynda jatyr.