• USD 426.61

  • EUR 509.33

  • RUB 5.88

  • CNY 65.87

24 Maýsym, 19:10:04
Almaty
+23°

Atyraý oblysynyń óńirlik kommýnıkasııalar qyzmeti 14 sáýirde Qurmanǵazy aýdanynyń Kóptoǵaı aýylynda Qazaqstan men Reseı shekarasynda jańa shekaralyq qorshaý salý jumystary bastalǵanyn habarlady. Bul týraly Rınat Rafhat esimdi facebook jelisiniń qoldanýshysy málim  etti.

– 16 jyldan keıin shekara qorshaýyn ózgertý aqylǵa qonymsyz. Shekarany shegeledik dep maqtanatyn Nazarbaevtyń ótirigin ashyp tastady. Taıjan sııaqtylar "aýylsharýshylyq jerler satylmaıdy" dep júrgende, Reseı shekarasy bútin bir aýdannyń aýylyn halqymen birge jutyp qoıýǵa jaqyn.

Al sanksııamen jany qysylǵan Reseı dál osy ýaqytta shekarany yǵystyrýdaǵy maqsaty ne eken? Tegin emes (átteń baralmaı turmyn), – dep jazdy Rınat Rafhat.

Atyraý oblysynyń óńirlik kommýnıkasııalar qyzmetiniń málimetinshe, qazirgi ýaqytta 2005 jylǵy 18 qańtarda Máskeýde qol qoıylǵan “Qazaqstan-Reseı memlekettik shekarasy týraly kelisimi” boıynsha eki el arasynda shekara beldeýi ornatylyp jatyr.

“Demarkasııalyq jumystary áli aıaqtalǵan joq. Shekara aýmaǵynda jańa qorshaýlar turǵyzý jumystaryn "2016" áskerı bólimi júrgizýde” delingen habarlamada.

Qurmanǵazy aýdanynyń ákimi Marat Murzıev oblys ákimdiginiń facebook-tegi paraqshasynda bul jumystar qazir emes, buryn bastalýǵa tıis ekenin, biraq ártúrli sebeptermen júrgizilmeı kelgenin jazǵan.

– Tek bıylǵy jyldyń 14 sáýirinde shekarashylar qurylys jumystaryna kiristi. Shekara qorshaýy jumystary júrgizilmes buryn, 13 sáýirde ákimdik, shekara qyzmeti men quqyq qorǵaý organdarynyń ókilderi Kóptoǵaı aýylynyń turǵyndarymen kezdesip, jumystardyń zańdylyǵy týraly túsindirý jumystaryn júrgizgen bolatyn. Alaıda sondaı-aq shekara qyzmeti men quqyq qorǵaý organdary da jasalyp jatqan jumystardyń zańdylyǵyn uǵyndyrdy, – dedi ákim.

Jeli qoldanýshysy Rınat Rafhat bul máselege úkimet, prezıdent jáne SIM jaýap berýge tıis ekenin aıtady.

– Bul másele aýdan, oblys ákimderi sheshetin másele emes. Úkimet, prezıdent apparaty jáne syrtqy ister mınıstirligi tarapynan aralasyp, tez arada halyq aldyna jaýap berýi kerek, – dedi ol.

Qamshy aqparattyq agenttigi de Atyraý oblysy ákimdiginen máselege qatysty resmı túsindirýdi talap etedi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir