Foto: Ashyq derekkóz

Krıptovalıýtanyń bolashaǵy bar ma? degen suraq kóptegen adamdardy mazalaıdy. Bundaı sıfrlyq valıýtaǵa senim bar ma? Kóptegen adamdarda "Bir kúni krıptovalıýta qunyn joǵaltyp, taqyrǵa otyryp qalmaımyz ba?" degen kúdik bar.

Baıqap qarasaq, krıptovalıýtany qoldaıtyndar da, oǵan qarsy bolatyndar da kóp. Degenmen bul valıýtany qoldaıtyndar men qoldanatyndar ýaqyt ótken saıyn kóbeıip keledi. Onyń bir sebebi, krıptovalıýtanyń ashyqtyǵy jáne "sıfrlyq altyn" sıpaty bolýynda edi.

Tómende bıtkoınnyń damý kezindegi birneshe qyzyqty oqıǵalar berildi.

Bıtkoınǵa nemquraıly qaraǵan Djeıms Hoýells 400 mıllıon dollar joǵaltyp alǵan eken. Ol 2009 jyly krıptovalıýta sýtegin kezinde 7500 bıtkoın alypty. Alaıda, ol bıtkoın saqtalǵan qatty dıskty qoqysqa tastaı salǵan.

Búgin Hoýellstiń tastaı salǵan krıptovalıýtasy 400 mln dollarǵa baǵalanǵan. Ol 10 jyl buryn bıtkoınǵa sál qaraǵany úshin ókinetinin aıtady.

AQSh-ta turatyn pıssa satýshysy 2010 jyly bir klıenttiń pıssany bıtkoınmen tóleýdi suraǵanyn, sodan keıin qyzyq kórip, kelisim bergenin aıtady. Al, 20 dollarlyq pıssa úshin berilgen bıtkoın búgin jarty mıllıon dollarǵa baǵalanǵan.

Aqparattarǵa sáıkes, 2008 jyly bıtkoındy qurǵan Satosı Nakamoto esimdi jumbaq adam jaqynǵy bolashaqta álemdegi eń dáýletti bolýy múmkin, sebebi qazirgi kezde bıtkoınniń baǵasy 60 myń dollar shamasynda. Al ol 190 myń dollar bolǵanda, bıtkoındy qurǵan jumbaq jan álemdegi eń baı adam bolady. Bir qyzyǵy ol jumbaq jan kúıinde qaldy.

Al, krıptovalıýtanyń bolashaǵyna senetin álemdik alpaýyt kompanııalardyń sany ýaqyt ótken saıyn artyp keledi.

PayPal bıtkoın qoldanatynyn málimdedi. Mastercard aýdarymdary bıtkoın arqyly bolatynyn habarlady. Apple Pay krıptovalıýta arqyly zat satyp alýǵa bolatynyn aıtty. Tesla kompanııasy 1.5 mld doldarǵa bıtkoın satyp aldy jáne kólikteri bıtkoınmen satylatynyn jarııalady. Twitter jáne Gerneral Motors kompanııalary da bıtkoınmen jumys jasaıtynyn aıtty.
Tipti, AQSh qarjy alpaýyttary JP Morgan jáne Goldman Sachs bıtkoındy qoldap, qýattap jáne qoldanatynyn málimdedi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir