Almatyda otandyq taýar óndirýshilerdi qoldaý kúsheıtiledi

Jergilikti kásipkerlerdiń máselelerin jeke tártipte qarastyrylatyn bolady.

Búgin Almaty qalasy ákiminiń orynbasary Maqsat Qıqymovtyń qatysýymen Jergilikti qamtýdy baqylaý jónindegi komıssııanyń kezekti otyrysy ótti. Is-sharaǵa Almaty qalasy Kásipkerler palatasy О́ńirlik keńesiniń tóraǵasy Maksım Baryshev, О́ńirlik kásipkerler palatasynyń dırektory Aıtýar Qoshmambetov, jergilikti atqarýshy organdar men bıznes-qoǵamdastyǵynyń ókilderi qatysty.

Otandyq taýar óndirýshilerdi qoldaý qalanyń jumyspen qamtylýyn saqtaý men ekonomıkalyq ósýiniń basty ólshemderiniń biri bolyp tabylady. Qazirgi tańda pandemııa kezeńinde otandyq kásiporyndardy qoldaý burynǵydan da mańyzdy.

О́ńirlik keńes tóraǵasy Maksım Baryshev bastaǵan Almaty qalasynyń bıznes-qoǵamdastyǵy qazaqstandyq taýar aınalymyna, sondaı-aq jergilikti kásiporyndardy qoldaý sharalaryna yqpal etetin birqatar máselelerdi kóterdi.

Otyrys barysynda qala ákiminiń orynbasary Maqsat Qıqymov oryn alǵan máselelerge keshendi túrde qaraýdy jáne bas merdigerlerdiń bıýdjettik baǵdarlamalarynyń ákimshilerimen apta saıyn kezdesip, árbir jaǵdaıdy jeke qarastyratyn Almaty qalasy Kásipkerler palatasynyń О́ńirlik keńes múshelerinen jumys tobyn qurýdy usyndy.

Mundaı pikirtalas olardyń arasynda týyndaǵan máselelerdi sheshýge yqpal etedi. Jumys tobyn qurýdyń basty maqsaty – jergilikti taýar óndirýshilerdi qoldaý.

О́z kezeginde О́ńirlik keńes basshysy Maksım Baryshev bul bastamany qoldap, sondaı-aq memlekettik satyp alýdaǵy ımportty baqylaý maqsatynda kásiporyndarǵa kóshpeli monıtorıngtik toptar qurýdyń mańyzdylyǵyn atap ótti.