• USD 468.56

  • EUR 497.56

  • RUB 7.3

  • CNY 67.18

28 Naýryz, 13:43:44
Almaty
+35°

Foto: Qamshy.kz

BEINEÝDEN TÚLEP UShQAN AQ SUŃQAR

Búgin Mańǵystaý oblysynyń Beıneý aýdanynda QR Memlekettik syılyǵynyń laýreaty, belgili aqyn, qazaq ádebıeti men dramatýrgııasynyń jarqyn juldyzy Esenǵalı Raýshanovpen qoshtasý rásimi ótti.
Shara barlyq sanıtarlyq talaptar saqtala otyryp, shaǵyn adamnyń qatysýymen «Esenǵalı ormany» saıabaǵynda uıymdastyryldy. Bul saıabaqtyń irgetasy 2014 jyly qalanyp, aǵashtar otyrǵyzylyp, 2018 jyly Esenǵalı Raýshanovtyń Beıneýge sapary barysynda ashylǵan bolatyn. E.Raýshanovtyń ózi ekken aǵashtar búginde máýeli baqqa aınalyp jatyr.

Qoshtasý sharasyna aýdan ákimi men orynbasarlary, «Nur Otan» partııasy Beıneý aýdandyq fılıaly tóraǵasynyń birinshi orynbasary,aýdandyq ardagerler keńesiniń tóraǵasy, memlekettik qyzmet salasynyń ardageri Basshy Ázirhanov jáne aqyn aǵamyzdyń týma-týystary men joldastary qatysty.

Aýdan basshysy Beıneýbek Ábilov mańǵaz Mańǵystaý, berekeli Beıneý tól perzentim dep baýyryna basqan Esenǵalı Ábdijapparulynyń jalyndy jyrlary kemeldengen qoǵamnyń rýhanı ıgiligine aınalyp, bolashaqta da kósh bastaıtynyn aıtty.
«Kóziniń tirisinde bıik paıym parasattylyǵyna oraı «Parasat» ordenimen, qalyń oqyrmannyń aldyndaǵy qadirine oraı «Qurmet» ordenimen marapattalǵan abzal aǵamyzdyń qaıǵyly qazasyna ortaqtasyp, otbasy men týys-týmalastaryna kóńil aıtamyn. Qasıetiń de, qasiretiń de – enshimde, Qara óleńi qazaq degen halyqtyń»,-dep jyrlaǵan qazaqtyń kórnekti aqyny, syıly aǵamyzdyń beınesi máńgi jerlesteriniń kókeıinen óshpeıdi»,-dedi aýdan basshysy.
Sonymen qatar ardagerler keńesiniń tóraǵasy Jańbyrov Sultan, jergilikti aqyn Esetova Aınahan jáne Qadyr Sársen sóz alyp, aqynnyń estelikterimen bólisti. Sonymen qatar, E.Raýshanovtyń óleńderi oqylyp, gúl shoqtary qoıyldy. Shara sońynda aqyn rýhyna baǵyshtalyp quran oqyldy.

Foto: Qamshy.kz

Foto: Qamshy.kz

Foto: Qamshy.kz

Foto: Qamshy.kz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir