Baıden men Japonııa premer-mınıstri Qytaıǵa qarsy birikken maıdan quratynyn jarııalady

AQSh prezıdenti Djo Baıden Aq úıdiń alǵashqy sammıtin ótkizdi. Ol Qytaıǵa qarsy turý úshin Japonııa premer-mınıstri Iosıhıde Sýgamen birikken maıdan qurý usynysyn jarııalady.

Baıden Japonııamen kelissózder júrgizetinin aıtty. Eks-prezıdent Donald Tramptyń kezinde buzylǵan odaqtastyqty jandandyrý týraly ýádesi boıynsha odan ári jumys isteıtinin málimdedi.

Vashıngton men Tokıonyń Beıjińge qarsy odaqtastyǵy basa aıtylyp, Qytaı máselesi kún tártibine shyqty. Eki lıder birqatar geosaıası máselelerge, sonyń ishinde Taıvanǵa toqtalyp, Sýga "Taıvan buǵazynyń beıbitshiligi men turaqtylyǵynyń mańyzyn" qýattaǵan.