Almatyda kınoteatrlar qashan jumys isteıtini belgili boldy

Almatyda 17 sáýirden bastap "Ashyq" qosymshasy arqyly kınoteatrlar kezeń-kezeńimen jumys isteıdi. Bul týraly qalanyń bas sanıtar dárigeriniń orynbasary Sádýaqas Baıǵabylov málimdedi. 

Kınoteatrǵa kelgen kórermender QR kod arqyly bılet kassasynyń kireberisinde skanerleýden ótedi. 

Eger de QR kod-ta "qyzyl" nemese "sary" belgi shyqsa aldyn-ala satyp alynǵan bılet keri qaıtarylady.

– Kınoteatrlarda 5 jasqa deıingi balalar QR kodyn skanerleýden bosatylady, ıaǵnı olar úshin "jasyl" belgi. Keıin balalar arasynda koronavırýspen aýyrǵandar anyqtalyp jatsa, jas ereksheligin qaıta qarastyramyz, – dedi Baıǵabylov.

Skanerleý barysynda "qyzyl" belgi shyqsa, vırýs juqtyrǵany, al "sary" belgi shyqsa aýyrǵandarmen baılanysta bolǵanyn bildiredi.

9-15 sáýir aralyǵynda 235 almatylyq Ashyq qosymshasy arqyly jasyrynyp mekemelerge kirmek bolǵan. Onyń ishinde 211 adamnan "qyzyl", al 24 adamnan  "sary" belgi anyqtalǵan.