• USD 468.56

  • EUR 497.56

  • RUB 7.3

  • CNY 67.18

29 Naýryz, 09:47:01
Almaty
+35°

Naýryz aıynyń sońynda Shyǵys Qazaqstan oblysynyń bir top azamaty eki aptada úsh ret oblystaǵy sport kesheni, dańǵyl jáne aýdanǵa Qazaqstannyń tuńǵysh prezıdenti Nursultan Nazarbaevtyń esimin berý týraly bastama kótergen. Oblys atqaminerleri áreketin Elbasynyń qarsylyǵyna qaramastan jalǵastyrǵan edi. Osy jaıtqa baılanysty Qamshy portaly Shyǵys Qazaqstan oblysynyń ákimi Danıal Ahmetovtyń atyna resmı hat joldaǵan. Hatqa jaýap Danıal Ahmetovtan emes, onyń orynbasary Álisher Marhabattan keldi. Ákim orynbasary 6 suraqtyń ekeýine tolyq jaýap bermegen. Kúlli shyǵysqazaqstandyqtardyń atynan aıtqandaı bolǵan onyń sózinen Elbasy esimin ulyqtaýǵa ákim-qaralar emes, shyǵystyń zııaly qaýym ókilderi men qarapaıym halqy áýes ekenin uǵýǵa bolady.

1) Mundaı usynystar tikeleı kimniń tapsyrmasymen jasalyp jatyr?

Jaýap: Nursultan Nazarbaev esimin ártúrli nysandarǵa berý týraly usynystar qazaq qoǵamy tarapynan jıi túsedi. Memleket úshin nyshandyq máni bar mańyzdy nysanǵa, kóshege sol memleketti qalyptastyrǵan uly tulǵalardyń esimin berý úrdisi burynnan bar jáne ol eshkimniń tapsyrmasynsyz halyqtyń qalaýymen júzege asyrylyp keledi.  Bul shyǵys halqynyń  Qazaqstan Respýblıkasynyń tuńǵysh prezıdenti – Elbasyna  degen qurmetiniń bir belgisi dep oılaımyz.

2) Siz basqaratyn oblys azamattary óńirge Nazarbaev ataýyn berýge nege áýes?

Jaýap: Árbir shyǵysqazaqstandyqtyń óziniń azamattyq ustanymy bar. N.Á.Nazarbaev esimi  shyǵysqazaqstandyqtar úshin  40 jyl zardabyn shegip, qasiretin tartqan Semeı polıgonynyń jabylýymen baılanysty. Qazaqstannyń «Semeı-Nevada» qozǵalysy úlgisimen bastalǵan álemdik antııadrolyq qozǵalysy ondaǵan ıadrolyq synaqtardy merziminen buryn toqtaýǵa yqpal etti. Elbasynyń Semeı ıadrolyq polıgonyn jabý, ıadrolyq derjava mártebesinen bas tartý, jahandyq jáne óńirlik qaýipsizdikti qamtamasyz etý jónindegi dáıekti qyzmetiniń nátıjesinde BUU elimizdi ıadrolyq qarýsyzdaný salasynyń kóshbasshysy dep tanydy. Elimizdiń 30 jyldyq táýelsizdik tarıhyndaǵy damýy, ulttyq memlekettiliktiń qalyptasýy N.Á. Nazarbaev esimimen tyǵyz baılanysty. Sol sebepti de shyǵys halqynyń N.Á.Nazarbaevtyń esimin áıgileýi zańdy qubylys dep esepteımiz.

3) «Osy bastamalardyń artynda Danıal Ahmetov tur. Ol osy arqyly Shyǵys Qazaqstan oblysy ákiminiń kreslosynda otyrýyn uzarta túskisi keledi, Qazaqstandaǵy eń dáýletti adamdardyń tizimindegi balasynyń baılyǵyn qorǵaý úshin ádeıi jasap otyr, 2019 jyly Qytaı Halyq úkimeti tóraǵasynyń orynbasary Chjao Chýnszıýge ýáde etken 40 myń gektar jerdi ý-shýsyz berý úshin «Kitaphananyń» qoldaýy kerek boldy» degen sııaqty áńgimeler jeldeı esip júr. Buny qalaı túsindiresiz? Naqty pikir bildirýińizdi suraımyz.

Jaýap: Uly Abaı «Kóptiń aýzyn kúzetip kún kóre almaısyń» deıdi. Qoǵamda qansha adam bolsa, sonsha pikirdiń bolýy zańdylyq.

Semeı qalasyndaǵy Qaraǵaıly yqshamaýdanyndaǵy jańa kóshege Elbasy Nursultan Nazarbaevtyń esimin berý týraly oblystaǵy zııaly qaýym ókilderiniń usynysy halyq qalaýlylary tarapynan qoldaý tapty. Bul bastamany jerlesterimizdiń ult kóshbasshysynyń eńbegine kórsetilgen qurmeti dep bilemiz.

Al jerge qatysy máselege memleket basshysy Qasym-Jomart Kemeluly Toqaev núktesin qoıdy. QR úkimettiniń keńeıtilgen otyrysynda prezıdent: «Negizgi máseleni aıqyndap aldyq. Jer sheteldikterge satylmaıdy. Bul máselege endi oralmaımyz» degen bolatyn.

4) Elbasy men Aqorda saıty «Elbasy arena» dep ataý usynylǵan sport kesheniniń aty «Abaı arena» ekenin habarlady. Bastamashyl top atalǵan sport kesheniniń ataýy joq ekenin aıtady. Sonda qaı taraptyń aıtqany durys? Qaı tarap jalǵan aqparat taratyp otyr.

Jaýap: Semeı qalasynyń Qaraǵaıly yqshamaýdanynda ornalasqan sport kesheniniń resmı ataýy «Arena» mádenı-sport kesheni.

5) Sizdiń basshylyǵyńyzdaǵy qyzmetkerler qarapaıym kommýnıkasııa qurýdy nege bilmeıdi? Shyǵys Qazaqstan oblysy ishki saıasat basqarmasynyń qyzmetkerleri, Elbasy esimin sport keshenine berýdi kótergen oblystyq máslıhat depýtaty Aıbek Nuǵymarov, Aqjar aýylyna aýdan ortalyǵy statýsyn qaıtaryp, oǵan Elbasynyń atyn berýdi usynǵan Tarbaǵataı aýdany máslıhatynyń depýtaty Qaırat Dakerov jýrnalıstermen sóılesýden nege qashady? Álde olar prezıdenttiń «estıtin memleket» qaǵıdatyn elemeı me?

Jaýap: Shyǵys Qazaqstan oblysynyń ishki saıasat basqarmasy óz quzyreti sheginde barlyq kommýnıkasııa quraldary arqyly túsindirý jumystaryn júrgizip otyr.

Sizder kóterip otyrǵan másele, naqtyraq aıtsaq, eldi mekenderge, kósheler men nysandarǵa ataý berý jumystaryn úılestirý ishki saıasat basqarmasynyń quzyretine jatpaıdy.

6) Qamshy portalyna shyqqan maqalalarǵa jazylǵan pikirlerge qarap Shyǵys Qazaqstan oblysy Ishki saıasat basqarmasynyń «bottar armııasy» baryn kórip otyrmyz. Elbasy esimin berý bastamalaryn da osy Ishki saıasat basqarmasy uıymdastyryp otyrǵan joq pa?

Jaýap: Joǵaryda atap ótkenimizdeı Elbasy Nursultan Nazarbaevtyń esimin berý oblystaǵy zııaly qaýym ókilderiniń usynysy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir