Kórneki sýret
Shyǵys Qazaqstan oblysyndaǵy balalar úıiniń dırektory men esepshisi 63 mıllıon teńge jymqyrǵany anyqtaldy. Bul týraly oblystyq sot tóraǵasynyń mindetin atqarýshy Qaırat Shaqpantaev habarlady.
Aqsha jymqyrýǵa qatysty alǵashqy daý 2019 jyldyń qańtarynda bastalǵan. Mamandandyrylǵan balalar úıiniń 160 qyzmetkeri jańa jyl qarsańynda jalaqysyz qalǵan. Sol ýaqytta jelide mekemeniń bas esepshisi dırektormen birge 15 mıllıon teńgeni jymqyrǵany týraly vıdeo taraǵan..
Mekeme qyzmetkerleri oblystyq prokýratýra men BAQ ókilderinen kómek suraǵan soń, qylmystyq is qozǵalǵan.
– Mamandandyrylǵan balalar úıiniń eks-dırektory, bas esepshi jáne kadrlar bóliminiń mamany 2015 jyldyń naýryzynan bastap 2018 jyldyń jeltoqsanyna deıin 63 mıllıon teńge jymqyrdy degen kúdikke ilindi. Qazir qylmystyq kodekstiń 189-baby ("Senip tapsyrylǵan bóten múlikti ıemdenip alý nemese talan-tarajǵa salý") boıynsha is qozǵaldy. Bul bapqa sáıkes aıyptalýshylardyń múlki tárkilenip, 7-den 12 jylǵa deıin sottalýy múmkin, – dedi Shyǵys Qazaqstan oblystyq soty tóraǵasynyń mindetin atqarýshy Qaırat Shaqpantaev.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir