• USD 424.85

  • EUR 504.21

  • RUB 5.84

  • CNY 65.86

21 Qańtar, 17:40:41
Almaty
-2°

Ol mektepte oqyǵanda ózin aqymaq sezindi. Úlgerimi nashar bolǵan soń, ózine senimi joǵalyp, sońy jalǵyzdyqqa ulasty. Basqalardan bólektenip, depressııaǵa tústi. Muny baıqaǵan áke-sheshesi ony dárigerge jáne psıhologtarǵa aparyp júrdi.

Birde ol áke-sheshesine akterlik sheberlik kýrsyna barǵysy keletinin aıtty.

Ol kýrsqa barǵan soń ǵana óziniń qorqynyshy men senimsizdigi joǵala bastaǵanyn bildi. Ol sol kezde ózin alǵash ret aqyldy sezingenin aıtty. Ol oǵan deıin ózin múlde qadirsiz, qunsyz adam retinde oılap, ómirden kúder úzgen kezin eske aldy.

Ol ssenarııdi oqyǵanda, keıipkerdiń ne aıtpaǵyn, ishki sezimin bilip turǵandaı sezindi. Osylaısha ol óziniń álemin tapty.

Ol 14 jasynda orta mektepten shyǵyp qalyp, akterlik jolǵa túsken Djennıfer Loýrens edi.

Degenmen onyń Nıý-Iorkte bastalǵan mánsap joly ońaı bola qoımady. Nıý-Iorkte óz mamandyǵyn damytý úshin, qarjylyq qıyndyq kórip, tyshqandar órip júretin, ystyq sýy da joq bólmede turýyna týra keldi. Tyshqandar bólmedegi nandy jep qoıatyn. Loýrens nannyń tyshqan jegen jerlerin kesip, taza jerin jegen kúnder de bolǵan. Ol kezde qarjylyq qıyndyqta ómir súrgendikten, nandy laqtyryp jiberý oǵan úlken shyǵyn edi.

Al búgin Djennıfer Loýrens Gollıvýdta 4 ret akademııalyq marapat alǵan eń jas aktrısa. Ol Oskardyń eń úzdik aktrısasy syılyǵyn 22 jasynda alǵan. Al onyń tabysy 130 mıllıon dollar. Sóıtip ol eń tabysty, eń talantty, eń jas aktrısa boldy.

"Aǵashqa órmeleý qabileti arqyly baǵalasa, balyq ózin ómir boıy topas sezinip ótedi" degen eken ataqty fızık Albert Eınshteın. Adamdardyń ár túrli nársege talanty bolady. Sol talantty asha bilse, barlyq adam óz áleýetin kórsete alady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir