Qazaqstannyń bas sanıtar dárigeri jańa qaýly jarııalady

Qazaqstannyń bas memlekettik sanıtar dárigeri Erlan Qııasov Ashyq pılottyq jobasy týraly jańa qaýly jarııalady.

Qujatta úsh kezeń ishinde birqatar oryndardyń ashylýyna ruqsat etilgen.

Qaýlyǵa sáıkes, ıoga ortalyqtaryn qosa alǵanda, fıtnes-klýbtary, spa-ortalyqtary, saýnalar, basseınder, PlayStation klýbtaryn qosa alǵanda, kompıýterlik klýbtar (16 jasqa deıingi adamdardy qospaǵanda), boýlıng klýbtary Ashyq pılottyq jobasy arqyly qyzmetin jalǵastyrady.

"Respýblıka aýmaǵynda Ashyq jobasyna qatysýshylardy keńeıtý maqsatynda tómendegilerdi jobaǵa engizýge ruqsat etilsin:

- birinshi kezeńde 2021 jylǵy 14 sáýirden bastap:

• kınoteatrlar;
• teatrlar jáne fılarmonııalar;
• banket zaldary, ashana, fast-fýd, strıt-fýd úlgisindegi obektilerdi qospaǵanda qoǵamdyq tamaqtaný obektileri;
• erikti qatysýshylar;

- ekinshi kezeńde 2021 jylǵy 21 sáýirden bastap:

• oblysaralyq jáne qalaaralyq júıeli nemese (týrıstik) tasymaldar;
• bılıard klýbtary;
• konsert zaldary;

- úshinshi kezeńde 2021 jylǵy 5 mamyrdan bastap:

1) karaoke;

2) jasyl aımaqtaǵy banket zaldary (toltyrylýy bir zalda 50 adamǵa deıin, 1 kelýshige keminde 4 sh.metr)" delingen qaýlyda.