Almatyda sáýir aıynyń basynda 242 kóshe joldaryndaǵy 2 myńnan astam aqaýly ýchaske qalpyna keltirildi

Búgin О́ńirlik kommýnıkasııalar qyzmetiniń onlaın-brıfınginde qalalyq Mobıldilik basqarmasy basshysynyń orynbasary Ernur Abjahan joldardyń jaǵdaıyna qatysty aqparat berdi. Ol aǵymdaǵy jyly uzyndyǵy 196,5 shaqyrym bolatyn 200 kóshege, onyń ishinde 17 magıstraldy kóshege ortasha jóndeý júrgizý josparlanǵanyn habarlady.

Almatyda 40-qa jýyq brıgada joldardy jóndep jatyr. Jyl sońyna deıin 200 kóshedegi joldar jóndeledi.

Ernur Abjahannyń aıtýynsha, Almaty qalasynda kóshe-jol jelisiniń uzyndyǵy 3096,8 shaqyrymdy quraıdy, onyń 298,5 shaqyrymyna asfalt tóselmegen.

Ernur Abjahan atap ótkendeı, 2025 jylǵa qaraı 350 shaqyrym jańa jol salý (2021 jyly – 40,4 shaqyrym, 2022 jyly – 80 shaqyrym, 2023 jyly – 78,6 shaqyrym, 2024 jyly – 80,6 shaqyrym jáne 2025 jyly – 70,4 shaqyrym) josparlanǵan. Sondaı-aq uzyndyǵy 200 kılometr bolatyn joldarǵa jyl saıyn ortasha jóndeý jáne 350 myń sharshy metrden astam jolǵa asfalt tóseý josparlanǵan.

Ernur Abjahan onlaın-brıfıng barysynda búginde joldardyń jaǵdaıyt týraly málimet berdi.

«Qazirgi kezde 39 brıgada aǵymdaǵy jóndeý jumystaryn júrgizýde, sondaı-aq 160 birlik arnaıy tehnıka men 394 jumysshy jumyldyrylǵan. Qalanyń 35 kóshesinde jumystar júrgizilýde», - dedi Almaty Qalalyq mobıldilik basqarmasy basshysynyń orynbasary Ernur Abjahan.

Mysaly, keshegi kúnniń ózinde 3 myńnan astam sharshy metr shuńqyrlar jóndeldi, 200-den astam aqaý qalpyna keltirildi.

Sáýir aıynda Almatynyń 242 kóshesindegi 2 141 aqaýly ýchaskeler retteldi.

Jergilikti atqarýshy organdardyń josparynda taǵy da uzyndyǵy 196,5 shaqyrym bolatyn 200 kóshege, onyń ishinde uzyndyǵy 38,4 shaqyrym bolatyn qalanyń 17 magıstraldy kóshesine (Rysqulov dańǵyly, Súıinbaı dańǵyly, Sátbaev kóshesi, Kýderın kóshesi, Jansúgirov kóshesi, Raıymbek dańǵyly, Iаssaýı kóshesi, Shalıapın kóshesi, Momyshuly kóshesi, Jandosov kóshesi, Seıfýllın dańǵyly, Qurmanǵazy kóshesi, VOAD, Halıýllın kóshesi – Qulja traktisi KA, Severnoe kolso kóshesi, Boraldaı kóshesi, Tátibekov kóshesi) ortasha jóndeý jumystaryn júrgizý jospary bar.

Aıdyń sońyna deıin daıyndyq jáne bólshekteý jumystaryn bastaý josparlanýda. Jol jóndeý jumystaryn shilde aıynyń sońyna deıin aıaqtaý josparlanyp otyr. Aýdandyq mańyzdaǵy qalǵan barlyq kósheler boıynsha jumystardy qazan aıynyń sońyna deıin aıaqtaý josparlanýda.

Almatyda jol salý jáne joldardy kúrdeli jóndeý jumystaryna qatysty. Qalalyq mobıldilik basqarmasynyń spıkeriniń aıtýynsha, jalpy uzyndyǵy 149,4 shaqyrym bolatyn 10 shaǵyn aýdanda (О́jet, Shańyraq-5, Samǵaý, Alǵabas, Nurshashqan, Qaırat, Álmerek, Quramys, Tastybulaq, Dýman) jumystar josparlanǵan, aǵymdaǵy jyly olardyń 100 shaqyrymyn aıaqtaý josparlanǵan.

E.Ábjahan 3 kólik aıryǵynyń (Seıfýllın dańǵyly -Jansúgirov kóshesi, Rysqulov dańǵyly – Emsov kóshesi, Buqtyrma kóshesi – Qulja trakti) qurylysy týraly aıtyp berdi. Ol Rysqulov dańǵyly men Emsov kóshesiniń qıylysynda kólik aıyryǵyn paıdalanýǵa berý jospary baryn, al 2022 jyly Seıfýllın dańǵyly – Jansúgirov kóshesi, Buqtyrma kóshesi – Qulja traktisi boıynsha eki jol-kólik aıyryǵynyń qurylysy aıaqtalatynyn aıtty.

Qazirgi ýaqytta Taýsamal shaǵyn aýdanyndaǵy Qonaev kóshesin qaıta jańartý jalǵasýda, onda mamyr aıynyń sońyna deıin satyp alynǵan úı qurylystaryn buzýdy aıaqtaý josparlanýda, sodan keıin júrý bóligin keńeıtý jáne trotýarlar jasaý jumystary bastalady. Jóndeý jumystary 2021 jyldyń qyrkúıegine qaraı tolyq aıaqtalatyn bolady.