TÁÝELSIZDIKKE 30 JYL: 30 BALABAQShA AShYLǴAN

Mańǵystaý oblysynyń Mańǵystaý aýdanynda Táýelsizdik alǵan 30 jyl ishinde 30 balabaqsha ashylǵan. Búginde 30 balabaqshada 2244 búldirshin tárbıelenip jatyr. Aýdanda bóbekjaımen qamtý máselesi aldyńǵy qatarda. Soǵan sáıkes 3-6 jas aralyǵyndaǵy balǵyndardyń balabaqshaǵa barýy 100% qamtylǵan. Oqý kabıneti, ashana, jatyn bólmesi men oıyn alańdary zamanaýı talaptarǵa saı tehnıkalyq bazamen tolyq jabdyqtalǵan.

-«Árıne 30 jylda 30 balabaqshanyń ashylǵandyǵy bul úlken qýanysh. Qazirgi ýaqytta aýdanda 20 memlekettik, 10 jekemenshik mektepke deıingi bilim mekemesi jumys isteıdi. Iаǵnı, bizde balabaqshamen qamtý máselesi jolǵa qoıylǵan. Ár bóbekke sapaly bilim men sanaly tárbıe berý jolynda eńbek etip jatqan pedagogtarymyz jyl saıyn bilimin jetildiretin kýrstardan ótedi. Endi álemdi ábigerge salǵan koronavırýs indetine baılanysty biraz ýaqyt balabaqshalar karantınge jabylǵan bolatyn. Aqpan aıynan bastap jumysty qaıta bastap kettik»,- deıdi Mańǵystaý aýdandyq bilim bóliminiń basshysy Svetlana Qalıeva.
Aýdandaǵy 30 balabaqshada tájirıbesin shyńdap, bilimin jetildirý kýrstarynan ótken 284 pedagog qyzmet etedi. Onyń ishinde 28 joǵary sanatty, 43 birinshi sanatty mamandar. Balabaqshada erekshe tehnologııalar engizilgen. Máselen, Jyńǵyldy aýylyndaǵy bóbekjaıda «Táı-táı» atty tehnologııa iske qosylǵan. Ereksheligi búldirshinder jańa tehnologııa arqyly kez-kelgen dúnıeni tereń zertteýge múmkindik alady.