• USD 468.56

  • EUR 497.56

  • RUB 7.3

  • CNY 67.18

09 Aqpan, 07:57:31
Almaty
-1°

Bishkek turǵyny 26 jastaǵy Aızada Qanatbekovanyń ólimine kúdikti Zamırbek Teńizbaev óler aldynda týystaryna jibergen aýdıohabarlamasy áleýmettik jelilerde taraldy. Bul týraly Svodka saıty habarlady.

Aýdıohabarlamada er adam jylap turyp, aǵasy jáne anasymen qoshtasady.

– Kelinderińiz meni jáne bizdiń mahabbatymyzdy satyp ketti. Men qansha aıtsam da kónbedi. Men tek sony súıdim, basqa eshkimge qaramadym. Soǵan ǵana úılengim keldi. Ol meni aldady. Bir aı kút dedi, kúttim. Eki aı kút dedi, kúttim. Biraq endi bári bitti, – dedi Zamırbek Teńizbaev.  

Sonymen qatar Zamırbek sońǵy kúnderi Aızadamen qarym-qatynasynyń nasharlap ketkenin aıtyp, birneshe ret keshirim suraǵan.

–  Men ol úshin ózgerdim. Siz meni bulaı týmadyńyz, ana, meni keshirińizder. Barlyq istegen kúnálarym úshin keshirińizder, – dedi ol. 

Aýdıohabarlamada Aızadanyń daýsy da estiledi. 

– Men saǵan kúte tur dedim ǵoı, –  deıdi Aızada.

– Men ony kúte-kúte sharshadym. Biraq men Aızadasyz ómir súre almaımyn. Meni keshirińizder, – dedi  Zamırbek jazbanyń sońynda.

Aýdıo "urlaý" áreketi bolǵannan keıin 5 sáýirde jazylýy múmkin.

Buǵan deıin Aızada Qanatbekovany 5 sáýirde Bishkektiń mańyndaǵy alańda birneshe er adam urlap áketkeni habarlanǵan. Urlaý sáti beınebaqylaý kameralaryna túsip qalǵan. Aızadanyń denesin polısııa emes, dalada júrgen shopan tapqan. Aldyn ala málimet boıynsha, kúdikti onymen sózge kelispeı, qylqyndyryp, artynsha óz-ózine qol jumsaǵan. 

Al 7 sáýir kúni Aızada Qanatbekovanyń jáne onyń ólimine kúdikti Zamırbek Teńizbaevtyń máıiti avtokólikten tabyldy. Jas qyzdy óltirdi delingen kúdikti buǵan deıin Reseı túrmelerinde úsh ret jazasyn ótegen. 

Qyrǵyzstanda bul is úlken rezonans týdyryp, Bishkektiń ishki ister mınıstrligi ǵımaratynyń mańynda "Zorlyq-zombylyqqa qarsy" mıtıng ótken. Keıin bul máseleni el prezıdenti Sadyr Japarov jeke baqylaýyna alynǵany habarlandy. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir