Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly 2021 jyldyń qasıetti Ramazan aıy 13 sáýirde bastalyp, 12 mamyrda aıaqtalatynyn aıtty. Bul týraly ol Ortalyq kommýnıkasııalar qyzmetindegi brıfıngte málimdedi.

– Alla qalasa, bıyl 30 kún oraza ustaımyz. 8 mamyrdan 9 mamyrǵa qaraǵan tún – qasıetti Qadir túni. 13 mamyr – Oraza aıttyń birinshi kúni. Osy jylǵy pitir sadaqa mólsheri jan basyna 420 teńge bolyp belgilendi. Pitir sadaqa mólsheri barlyq oblystaǵy 2 keli unnyń eń tómengi baǵasymen bekitildi, – dedi Naýryzbaı qajy Taǵanuly. 

Bas múftıdiń aıtýynsha, 60-tan asqan adamdar aýyz bekitýden buryn medısınalyq tekserýden ótip, dárigerdiń tıisti keńesin alýy kerek.

– О́kinishke qaraı, bıyl da qasıetti Ramazan aıyn pandemııa jaǵdaıynda ótkizgeli otyrmyz. Juqpaly dertti oqshaýlaný, saqtaný arqyly ǵana jeńýge bolatynyna anyq kózimiz  jetti. Osy rette sizderdi aýyzashar kezinde, qulshylyq sátterinde sanıtarlyq talaptardy qatań saqtaýǵa shaqyramyn. Densaýlyq – bárinen qymbat qundylyq. Allanyń adamzatqa bergen amanaty. Osy oraıda jasy 60-tan asqan aǵa-apalarymdy aýyz bekitýden buryn medısınalyq tekserýden ótip, dárigerdiń tıisti keńesin alýdy suraımyz. Egde jastaǵy jáne balıǵatqa tolmaǵan azamattardan kúrdeli ahýal turaqtalǵansha meshitke barmaı, qulshylyqty úıde oryndaýyn suraımyz, – dedi QMDB tóraǵasy.

Sondaı-aq bas múftı Ramazan aıynda aıtylatyn ýaǵyz-nasıhat, suraq-jaýap jumystaryn onlaın rejımde júrgiziletinin atap ótti.

– Quran hatym jasaý rásimderi de qashyqtan oqylady. Biz Ramazanda bir aı boıy jalǵasatyn dinı dáristerdiń, qasıetti Qadir keshiniń, ulyq meıram – Oraza aıttyń onlaın baǵdarlamasyn daıyndap qoıdyq. Internet jelisi arqyly suraqqa jaýap alyp, onlaın nasıhat tyńdap, úıden shyqpaı saýapty amaldarǵa ortaqtasýǵa bolady. Biz qazirgi jaǵdaıdy eskerip, ótken jyly júzege asyrǵan jobamyz boıynsha pitir sadaqasy men zeketti onlaın rejımde berýdiń ońtaıly jolyn taǵy usynyp otyrmyz, – dep atap ótti Naýryzbaı qajy Taǵanuly

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir