• USD 468.56

  • EUR 497.56

  • RUB 7.3

  • CNY 67.18

29 Naýryz, 02:58:46
Almaty
+35°

2021 jylǵy qańtardan naýryzǵa deıin kópbalaly otbasylar 69,2 mlrd teńge memlekettik járdemaqy aldy. Bul týraly eńbek jáne halyqty áleýmettik qorǵaý mınıstrligi habarlady.

Vedomstvo málimetinshe, 2021 jylǵy qańtardan naýryzǵa deıin orta eseppen 437,2 myń kópbalaly otbasy 69,2 mlrd teńge memlekettik járdemaqy tólemin alǵan. 2021 jylǵy naýryzda bul járdemaqyny 444,3 myń otbasy jalpy somasy 23,6 mlrd teńgege aldy.

Atalǵan memlekettik járdemaqyǵa 4 jáne odan da kóp birge turatyn kámeletke tolmaǵan nemese 23 jasqa deıingi kúndizgi bólimde oqıtyn stýdent balalary bar otbasylar tabysyna qaramastan úmitker bola alady.

"2021 jyly tólem mólsheri balalardyń sanyna baılanysty 46 760 teńgeden (4 bala) 81 852 teńgege (7 bala) deıin saralandy, 8 balaǵa – 93 344 teńge, 9 balaǵa – 105 012 teńge, 10 balaǵa – 116 680 teńge, 11 balaǵa – 128 348 teńge, 12 balaǵa – 140 016 teńge, 13 balaǵa – 151 684 teńge, 14 balaǵa – 163 352 teńge, 15 balaǵa – 175 020 teńge, 16 balaǵa – 186 688 teńge" delingen habarlamada.

Eske salsaq, kópbalaly otbasylarǵa olardyń kiristerin esepke almaı beriletin jańa memlekettik járdemaqy Qazaqstanda 2020 jyldyń 1 qańtarynan bastap ataýly áleýmettik kómek kórsetýdiń jańa tetikterinde kózdelgen tabysy az jáne kópbalaly otbasylardy qoldaýdyń úsh negizgi baǵyty sheńberinde engizilgen bolatyn.

"Qamshy" silteıdi
Ilmek sózder: járdemaqy 2021

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir