Kórneki sýret
Densaýlyq saqtaý mınıstrligi 6 sáýirde 2586 adamnan koronavırýs anyqtalyp, 15 adam qaıtys bolǵanyn habarlady. Sondaı-aq 100 naýqastan pnevmonııa tabylyp, 5 adam kóz jumǵan.
8 sáýirdegi málimet boıynsha, 28 794 naýqas koronovırýstan, 861 naýqas pnevmonııadan emdilip jatyr. Olardyń ishinde 10 828 pasıent stasıonarda, 18 827 naýqas ambýlatorııalyq deńgeıde em qabyldaýda.
Indetke shaldyqqandar arasynda 522 adamnyń jaǵdaıy aýyr, 151 pasıenttiń jaǵdaıy óte aýyr, 87 naýqas О́JJ apparatynda jatyr.
Koronavırýstyń taralýy boıynsha Nur-Sultan, Almaty qalalary men Almaty, Aqtóbe, Atyraý jáne Batys Qazaqstan, Qaraǵandy, Aqmola oblystary "qyzyl" aımaqta. Shymkent qalasy, Qyzylorda, Pavlodar oblystary "sary" aımaqta. Qalǵan barlyq óńir "jasyl" aımaqta.
8 sáýirdegi jaǵdaı boıynsha 239 040 adam koronavırýsqa qarsy vaksına salǵyzǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir