Almatyda "Spýtnık V" vaksınasy taýsylǵany habarlandy

Almatydaǵy kóptegen vaksınasııa ortalyqtarynda vaksına taýsyldy. Bul týraly Almaty qalalyq qoǵamdyq densaýlyq saqtaý departamentiniń baspasóz qyzmeti habarlady.

Vedomstvo málimetinshe, 1 aqpannan bastap 47 275 adam vaksına saldyrǵan. Onyń 8805-inde eki komponentti jáne olardyń elektrondy vaksınasııa pasporty bar.

"О́tken táýlikte 2960 adamǵa vaksına egilgen. Qalalyq vaksınasııa ortalyqtarynyń kópshiliginde "Spýtnık V" reseılik preparaty taýsylǵan. Endi tek 9 sáýirde 57445 doza, 13 sáýirde taǵy 57445 doza keledi dep kútilip otyr" delingen habarlamada.

Almaty koronavırýs ınfeksııasynyń taralýy boıynsha "qyzyl" aımaqta tur.