Prezıdenttiń baspasóz hatshysy Berik Ýálı Habar24 telearnasyna bergen suhbatta memleket basshysynyń 2 jylda otandyq jýrnalıstermen betpe-bet otyryp áńgimelespeýiniń sebebin túsindirdi.

Berik Ýálıdiń aıtýynsha, prezıdent suhbattasqanan góri iske den qoıyp, tapsyrmalar berip, sonyń oryndalýyn qadaǵalaǵandy jón sanaıtynyn, mınıstrler men ákimderden, agenttik basshylarynan jumystyń júzege asý barysyn talap etýge basa mán beretin jetkizdi. Dese de aldaǵy ýaqytta televızııalyq formatta suhbat uıymdastyrylatynyn atap ótti.

Sondaı-aq ol halyq únine qulaq asatyn memleket tujyrymdamasy jaıly aıta kele áleýmettik jelidegi paraqshalaryn prezıdent ózi júrgizetinin, sol arqyly qoǵamda qyzý talqylanǵan kóptegen máselege tikeleı tapsyrma bergenin aıtty.

Q.Toqaev prezıdent bolǵan 2 jyldan astam ýaqytta germanııalyq Deutsche Welle teleradıokompanııasyna, reseılik TASS agenttigine, "Komsomolskaıa pravda" basylymyna, "Mır" telekompanııasyna, Bloomberg halyqaralyq aqparat agenttigine, qytaılyq CCTV telearnasyna suhbat bergen. Qazaqstandyq aqparat quraldarynyń ishinde "Egemen Qazaqstan" jáne "Aıqyn", "Ana tili" gazetterine suhbaty jarııalanǵan. Alaıda júzbe-júz otyryp otandyq birde-bir telearnaǵa suhbat bergen joq. Muny el ishinde prezıdenttiń qazaq tilin jetik bilmeıtinimen baılanystyrýshylar bar. Ashyq derekkózderde prezıdenttiń qazaq, orys, aǵylshyn, qytaı jáne fransýz tilderin biletini jazylǵan.

"Qamshy" silteıdi
Ilmek sózder: Toqaev suhbat

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir