COVID-19. Sońǵy táýlikte taǵy bir óńir qyzyl aımaqqa ótti, 26 adam qaıtys boldy

Koronavırýstyń taralýy boıynsha "qyzyl" aımaqtaǵy óńirlerge Aqmola oblysy qosyldy. Bul týraly COVID-19 taralýyna jol bermeý jónindegi vedomstvoaralyq komıssııa habarlady.

Búginge Qazaqstannyń jeti óńiri "qyzyl" aımaqta. Epıdemıologııalyq ahýaldy baǵalaý matrısasyna sáıkes, Nur-Sultan, Almaty qalasy, Almaty, Aqtóbe, Atyraý jáne Batys Qazaqstan, Aqmola oblystary "qyzyl" aımaqta.

Shymkent qalasy jáne Qaraǵandy oblysy "sary" aımaqta.

Al qalǵan barlyq óńir "jasyl" aımaqta.

О́tken táýlikte Qazaqstanda PTR-testiniń oń nátıjesi bar 1809 jaǵdaı tirkelgen. 1122 adam koronavırýs ınfeksııasynan jazylyp shyqsa, 19 adam qaıtys bolǵan.

4 sáýirdegi málimet boıynsha pnevmonııanyń 7 jańa jaǵdaıy tirkelgen. 7 adam kóz jumyp, 171 adam jazylyp shyqqan. 

6 sáýirdegi málimet boıynsha, 28 333 adam koronovırýs pen pnevmonııadan emdelip jatyr. Olardyń ishinde 10 243 pasıent stasıonarda, 18 090 naýqas ambýlatorııalyq deńgeıde em qabyldaýda.

 

Indetke shaldyqqandardyń arasynda  456 adamnyń jaǵdaıy aýyr, 132 pasıenttiń jaǵdaıy óte aýyr,  77 naýqas О́JJ apparatynda jatyr.