Foto: @ztb_kazakhstan instagram paraqshasynan
Almaty qalasyndaǵy "Amanat" óner mektebiniń ustazy, kúıshi, 1-toptaǵy múgedek Bekzat Mustafaev dertine qajetti em alý úshin halyqtan kómek suraıdy.
Bekzat Mustafaev 1992 jyly Almaty oblysynyń Jambyl aýdanynda dúnıege kelgen. 2014 jyly Qurmanǵazy atyndaǵy Qazaq ulttyq konservatorııasyn aıaqtaǵan soń ustazdyq eńbek jolyn bastaǵan. Qazir "Amanat" óner mektebinde balalarǵa kúı klasynan dáris oqıdy.
Ol 2014 jyldan beri aýyr dertke shaldyǵyp, eki búıregi istemeı qalǵan.
Bekzattyń dıagnozy: №18.0 Búırektiń zaqymdanýynyń sońǵy satysy. Sozylmaly glomerýlonefrıt, nefrosklerozǵa soqtyratyn gıpertonııalyq túri. BSA 5 satysy Ýremııa. Aýyr dárejedegi renaldyq anemııa. HRBS. Mıtraldy jetkiliksizdik FK2, HSN 2a. baǵdarlamalyq gemodıalız.
Bekzat búıregin aýystyrý úshin shetelde jasalatyn otaǵa qarajaty joq ekenin, sondyqtan halyqqa alaqan jaıýǵa májbúr ekenin aıtady.
– Almaty qalasyndaǵy "Jasandy búırek" jaýapkershiligi shekteýli seriktestiginiń dıalız ortalyǵyna 2014 jyldan beri, aptasyna 3 ret baryp, em qabyldaımyn. Atalǵan ortalyqta 2014 jyldan bastap donorlyq kezekte turamyn. Alaıda elimizdegi búırek transplantasııasynyń tyǵyryqqa tirelgen qazirgi kúrdeli jaǵdaıyna baılanysty ol kezek tizimi ózgerissiz, sol qalpynda tur. Donor tabylmaı jatyr.
Osy aýrýdyń saldarynan densaýlyǵym qatty álsiredi. Dıalız ortalyǵyna baryp em alýymnyń nátıjesinde ǵana ózimniń súıikti mamandyǵym boıynsha eńbek etip júrmin. Muǵalimdik eńbekaqym aýrýymdy emdeýge jetpeıdi. Búırek transplantasııasynyń sheteldegi qunyna qarajatym joq, – deıdi ol.
Bekzattyń ákesi Dáýren Mustafauly 2014 jyly búıregin ulyna berýge táýekel etedi. Alaıda medısınalyq tekseris barysynda onyń qos búıreginen búırek kıstasy anyqtalyp, donor bolýǵa jaramaıdy. Naýqastyń ákesinen basqa týystyq baılanysy bar donor bolatyn jaqyny joq.
– Qazaq óneriniń bolashaq kishkentaı qarlyǵashtaryn qalyptastyrýǵa qolymnan kelgeninshe eńbek etip júrmin. Biraq aýrýym janyma qatty batyp júr... Búırek transplantasııasymen aınalysatyn TMD jáne shetelderdegi ǵylymı-zertteý ıstıtýttary men klınıkalarǵa ota jasatý úshin kóp qarajat kerek eken. Belorýs memleketinde búırek transplantasııasyn jasatý úshin 65.000 dollar qarajat surady, – deıdi Bekzat.
Bekzat Mustafaevqa ota jasaý úshin qajetti qarajatty jınaýǵa úles qosamyn deýshiler úshin tómende qosymsha aqparat men esepshot nómiri kórsetilgen:
Aty-jóni: Mustafaev Bekzat Dáýrenuly, 28 jasta.
Meken-jaıy: Almaty qalasy, "Aqbulaq" yqshamaýdany, Sháripqanov kóshesi, 29-úı
Elektrondyq poshtasy: [email protected].
Instagram áleýmettik jelisi: @b7eka
Baılanys telefony: 8-708-564-81-58
KASPI GOLD: 5169 4971 3712 7480
Posmotret etý pýblıkasııý v Instagram
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir