05 Sáýir, 2021 NEWS О́zgertý

Aımaǵambetov bilim salasyndaǵy ózgeristerdi málimdedi

Foto: kaznews.kz

Dıssertasııalyq keńesterdiń jumysyna qatysty normatıvtik-quqyqtyq aktilerge tıisti túzetýler engizildi. Bul týraly Bilim jáne ǵylym mınıstri Ashat Aımaǵambetov habarlady.

– Endi dıssertasııalyq keńesterdiń quramy halyqaralyq tájirıbeni eskere otyryp jasaqtalady. Doktoranttyń zertteý taqyryptary ár alýan bolǵandyqtan, dıssertasııalyq keńes músheleriniń jartysy ýaqytsha taǵaıyndalatyn bolady.

Endi keńes músheleri, qorǵaý qorytyndysy boıynsha dıssertasııalyq keńes PhD dárejesin berý (1), PhD dárejesin bermeý (2), dıssertasııany qaıta qorǵaýǵa jiberý (3) nemese doktorant jumysyn pysyqtaýǵa jiberý (4) syndy sheshim qabyldaı alady, – dedi mınıstr.

Sondaı-aq bıyldan bastap, keıbir doktoranttar dıssertasııalyq jumysty jazbaı-aq ǵylymı ataqty qorǵaı alatyn bolady.

– Ǵylymı jumysty qorǵaý prosedýrasy ınternet jelisi arqyly tikeleı efırde júrgiziledi. Iаǵnı dıssertasııany qorǵaý rásimi tolyǵymen ashyq formatta ótedi. Doktoranttyń dıssertasııasy tolyq daıyn bolǵan kezde kafedranyń keńeıtilgen otyrysynda ǵylymı jumys bir ret talqylaýdan ótedi.

Erekshe mártebesi bar joǵary oqý oryndary úshinshi jyl qatarynan PhD dárejesin ózderi taǵaıyndap, jeke úlgidegi dıplomdar berip jatyr. Endi ulttyq joǵary oqý oryndary doktoranttardyń jarııalanymdaryna óz sheshimderi boıynsha, qosymsha, joǵary talaptar qoıa alady. Endi el azamattary dıssertasııany onlaın formatta qorǵaı alady, – dep aıtty Aımaǵambetov.

"Qamshy" silteıdi