02 Sáýir, 2021 NEWS
Foto: kursiv.kz
Memleket basshysy Qasym-Jomart Toqaev Aqmola jáne Soltústik Qazaqstan oblystarynyń ákimderimen telefon arqyly sóılesti. Ákimder prezıdentke óńirlerdegi qazirgi ahýal týraly baıandady. Bul týraly prezıdenttiń baspasóz hatshysy Berik Ýálı facebook paraqshasynda habarlady.
Aqmola oblysynyń ákimi Ermek Marjyqpaev óńirdiń áleýmettik-ekonomıkalyq damý kórsetkishteri, sý tasqynynyń aldyn alý sharalary, vaksına salý barysy, Arshaly jáne Selınograd aýdandaryn kógildir otynmen qamtamasyz etý máseleleri, prezıdenttiń Qosshy aýylynyń áleýmettik jáne ınjenerlik ınfraqurylymdyq jaǵdaıyn jaqsartýǵa qatysty buǵan deıin bergen tapsyrmasynyń oryndalý barysy jaıynda aqparat berdi.
Soltústik Qazaqstan oblysynyń ákimi Qumar Aqsaqalov aımaqtaǵy sanıtarlyq-epıdemıologııalyq jaǵdaı, sý tasqynyn boldyrmaýǵa qatysty qabyldanyp jatqan sharalar, kóktemgi egin egý jumystaryna daıyndyq barysy, jumys kúshi kóp óńirlerden Soltústik Qazaqstan oblysyna qonys aýdaryp jatqan azamattardy "Eńbek" baǵdarlamasy boıynsha baspanamen qamtý máselesi jaıynda aıtty.
"Áńgimelesý sońynda Qasym-Jomart Toqaev Ermek Marjyqpaev pen Qumar Aqsaqalovqa aımaqtardaǵy sanıtarlyq-epıdemıologııalyq ahýaldy turaqtandyrýǵa, kóktemgi egis naýqanyn joǵary deńgeıde atqarýǵa jáne taǵy da basqa máselelerge qatysty birqatar tapsyrma berdi" delingen habarlamada.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir