Foto: Baýyrjan Baıbektiń Facebook paraqshasy

«Nur Otan» tóraǵasynyń birinshi orynbasary Baýyrjan Baıbek Facebook-taǵy paraqshasynda bıleýshi partııanyń saılaýaldy ýádeleriniń oryndalýyn qalaı qamtamasyz etetini jaıly aıtty.

Onyń aıtýynsha, Elbasy, partııa lıderi Nursultan Nazarbaevtyń tapsyrmasymen ár óńir, qala jáne aýdan úshin «Nur Otan»-nyń 217 saılaýaldy baǵdarlamasyn iske asyrý boıynsha egjeı-tegjeıli jol kartalary bekitilip, oǵan jaýapty depýtattar men oryndaýshylar belgilengen. Jyldarǵa jáne naqty is-sharalarǵa bólingen 80 myńnan astam ındıkatorǵa qol jetkizý kózdelip otyr. El prezıdenti Qasym-Jomart Toqaevtyń «Halyq únine qulaq asatyn memleket» tujyrymdamasyn iske asyrý aıasynda partııa qoǵamdyq keńesteriniń jumysy júıeli túrde qaıta qurylymdandy.

– Saıası keńes Bıýrosynyń sheshimimen taratylǵan partııalyq kýratorlar ınstıtýtynyń ornyna «Nur Otan»-nyń saılaýaldy baǵdarlamasynyń naqty baǵyttarynyń iske asyrylýyn baqylaý boıynsha 14 respýblıkalyq qoǵamdyq keńes quryldy. Partııa lıderiniń alǵa qoıǵan mindetterin eskere otyryp, eń aldymen partııanyń saılaýaldy ýádeleriniń oryndalýyna júıeli baqylaý, bıýdjet qarajatynyń tıimdi jáne ashyq jumsalýyna monıntorıng jasaý qamtamasyz etiledi. Keńesterdiń mindetine eldiń, óńirler men ekonomıkanyń naqty salalarynyń ózekti baǵyttary boıynsha balama saraptamalyq paıymdy tujyrymdaý kiredi. Keńesterdiń jumysy qoǵamdyq pikirdi eskerip, sondaı-aq partııanyń qoǵamdyq qabyldaý bólmelerine el kóleminde azamattardan túsken ótinishterge jasalǵan taldaýǵa negizdele otyryp, jarııa túrde júrgiziledi, – dedi partııa tóraǵasynyń birinshi orynbasary.

Sonymen qatar Baýyrjan Baıbek «Nur Otan» keńesteriniń aldynda sarapshylar qaýymdastyǵyn ózekti áleýmettik máselelerdi ashyq talqylaýǵa tartý, sondaı-aq azamattyq bastamalarǵa qoldaý kórsetý mindeti turǵanyn da atap ótti.

– Qazirgi kezde atalǵan keńesterdiń quramyn jasaqtaý boıynsha qarqyndy jumys júrgizilip jatyr. Olardyń quramyna partııa depýtattary men belsendi múshelerinen bólek, úkimettik emes uıymdardyń ókilderi, sarapshylar, jalpy qoǵamdyq pikir kóshbasshylary jáne basqa da azamattar kiredi. Osyndaı keńester óńirlik deńgeıde de qurylmaq. Sondyqtan buǵan múddeli barsha azamattyq qoǵam ókilderin, belsendilerdi jáne qoǵam ómirine beıjaı qaramaıtyn azamattardy shynaıy yntymaqtastyqqa shaqyramyz. Aýyzbirshilik pen jaýapkershilik tanytyp, ashyq pikiralysý aıasynda áreket etý arqyly ǵana biz mejelegen josparlarymyzdyń barlyǵyn iske asyramyz, – dedi ol.

Partııa baspasóz qyzmetiniń aqparaty boıynsha, búgin «Nur Otan» partııasy tóraǵasynyń birinshi orynbasary jańadan qurylǵan 14 keńestiń jańa tóraǵalarymen onlaın-formatta kezdesý ótkizdi.

Saıası keńes bıýrosynyń sheshimimen atalǵan keńesterge parlament májilisindegi fraksııanyń kelesi depýtattary taǵaıyndaldy: azamattyq qoǵam men memlekettik basqarýdy damytý boıynsha – Aıdos Sarym, bilim men ǵylym – Juldyz Súleımenova, agrarlyq sektor – Berik Ospanov, ekonomıka jáne kásipkerlikti qoldaý – Amanjan Jamalov, óńirlik damý – Iýlııa Kýchınskaıa. Jastardy qoldaý boıynsha –  Mádı Ahmetov, jumyspen qamtý men halyqtyń áleýmettik osal toptary jónindegi qoǵamdyq keńeske – Elnur Beısenbaev tóraǵa boldy. Ult densaýlyǵy boıynsha – Larısa Pavloves, al otbasy, áıelder jáne balalardyń quqyqtaryn qorǵaý máseleleri jónindegi keńeske – Dınara Zákıeva basshylyq jasaıdy. Sybaılas jemqorlyqqa qarsy is-qımyl jónindegi respýblıkalyq qoǵamdyq keńeske, «Miras», Ekologııalyq jáne Quqyqtyq keńesterge tıisinshe Erlan Saırov, Janarbek Áshimjanov, Eldos Abaqanov jáne Qanat Mýsın jetekshilik etedi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir