Akkredıtteý jáne reıtıngtiń táýelsiz agenttigi (NAAR/IAAR) jáne Akkredıtteýdiń táýelsiz qazaqstandyq ortalyǵy Ortalyq Azııa ýnıversıteti, Aqtaý gýmanıtarlyq-tehnıkalyq ýnıversıteti (burynǵy Qazaqstan teńiz ýnıversıteti) jáne «Astana» ýnıversıtetiniń akkredıtteý týraly kýálikterin keri qaıtaryp aldy, dep habarlady bilim jáne ǵylym mınıstrliginiń baspasóz qyzmeti.

"Bilim týraly" Zańǵa sáıkes lısenzııasyz jáne akkredıtasııasyz joǵary oqý oryndary dıplom bere almaıdy.  

– Esterińizde bolsa, dál osy úsh joǵary oqý orny bizge de tekserý jumystaryn júrgizýge kedergi jasady. Osyǵan deıin júrgizilgen tekserýler nátıjesinde bul oqý oryndarynada birqatar buzýshylyqtar anyqtalǵan bolatyn. Akkredıtasııalary boıynsha da problemalary boldy. О́tken jyly túlekteri dıplomdaryn ýaqytyly ala almaı qınalǵan edi. Saldarynan magıstratýraǵa oqýǵa túsý nemese jumysqa turýǵa baılanysty qıyndyqtarǵa tap boldy. О́kinishke qaraı, bul joǵary oqý oryndarynda oqýyn jalǵastyryp jatqan stýdentter bul jaǵdaıdan sabaq almady. Bıyl da kadrlardy daıyndaý sapasyna qatysty sol máseleler kóterilip jatyr. Endi bul oqý oryndary buǵan deıin júrgizgen tekserýlerimizdiń nátıjeleri boıynsha tıisti sheshim qabyldaýymyzǵa kedergi keltirip, túrli amaldarymen ýaqytty sozyp jatyr, – dedi QR BǴM Bilim jáne ǵylym salasyndaǵy sapany qamtamasyz etý komıtetiniń tóraıymy Gúlzat Kóbenova.

Akkredıtteý týraly kýálikteri keri qaıtarylǵan oqý oryndarynyń biri – Ortalyq Azııa ýnıversıteti eks-depýtat, 2019 jylǵy prezıdent saılaýyna kantıdat atanbaq bolyp, memlekettik til synaǵynan óte almaǵan Jumataı Álıevke tıesili.

"Qamshy" silteıdi
Ilmek sózder: Joǵary bilim

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir