Qazaqstannyń bas sanıtar dárigeri Erlan Qııasovtyń qaýlysyna sáıkes IV toqsanda mektep oqýshylaryn oqytý formaty óńirdegi epıdemıologııalyq jaǵdaıǵa baılanysty bolmaq.

"Jasyl" jáne "sary" aımaqtarda ornalasqan óńirlerde barlyq oqýshy aralas oqytý formatyna kóshedi. "Qyzyl" aımaqta ornalasqan óńirlerde 1-5 synyptar, 9, 11 (12) synyptar úshin, sondaı-aq halyqaralyq mektepterdiń 1-7 synyptary úshin oqytýdyń aralas formaty saqtalady, al 6, 7, 8, 10 synyptar qashyqtan oqytylady.

Sondaı-aq Nur-Sultan, Almaty jáne Shymkent qalalary men Aqmola, Túrkistan, Aqtóbe, Batys Qazaqstan oblystarynyń bilim basqarmalary oqýshylaryń qalaı oqıtynyn málimdedi.

Nur-Sultan qalasy bilim basqarmasy basshysynyń orynbasary Baǵlan Smataevanyń málimdeýinshe, karantın sharalarynyń qatańdaýyna baılanysty qalanyń barlyq mektebi (mektep bitirýshi synyptardy qospaǵanda (9, 11 (12) synyptar) menshik nysanyna qaramastan qashyqtan oqıtyn bolady. Al, mektep bitirýshi synyptar úshin oqytý aralas formatta (pánderdiń 70% – dástúrli formatta, 30% – qashyqtan), synypta 15 adamnan artyq emes, ata-analardyń ótinishteri boıynsha uıymdastyrylady.

Almaty qalasy bilim basqarmasy basshysynyń orynbasary Qaırat Jumanov epıdemıologııalyq jaǵdaıǵa baılanysty 1 sáýirden bastap oqýshylar qashyqtan oqýdy jalǵastyratynyn jáne ata-analar men zańdy tulǵalardyń ótinishteri negizinde oqýshylar sany 15 baladan aspaı 1-5, 9 jáne 11 synyptarda kezekshi synyptardyń jumysy jalǵastyrylatynyn habarlady. Sonymen qatar qazirgi tańda tehnıkalyq jáne kásiptik bilim berý uıymdarynyń 1-4 kýrs stýdentteri qashyqtan oqýdy jalǵastyryp jatyr. 

IV toqsanda Shymkent qalasyndaǵy jalpy bilim beretin mektepterde barlyq synyptardyń oqýshylary synyptardaǵy balalar sanyn 25 adamnan asyrmaı aralas formatta oqytylýda. Kolledjderdiń 1 kýrs stýdentteri ekinshi semestrde shtattyq rejımde oqytylady. Bilim berý prosesiniń barlyq qatysýshylary sanıtarııalyq-epıdemıologııalyq talaptardy saqtaýǵa tıis. Bul týraly Shymkent qalasy Bilim basqarmasynyń basshysy Janat Tájıeva habarlady.

Aqmola oblysy qazirgi kezde "jasyl" aımaqta. Alaıda, oblystyń Bas sanıtar dárigeriniń qaýlysy bolmaǵandyqtan, 4 toqsandaǵy oqý burynǵy formatta bastalady. Oqytýdyń dástúrli túrine oralý epıdemıologııalyq jaǵdaı turaqtalǵan kezde múmkin bolady. Sabaqtan tys ýaqytta oqýshylardyń bilimdegi olqylyqtaryn toltyrý úshin 10 myń oqýshyǵa arnalǵan 2137 jeke konsýltatıvtik toptyń jumysy uıymdastyryldy. Bul týraly Aqmola oblysy bilim basqarmasynyń basshysy Beıbit Júsipov habarlady.

Túrkistan oblysyndaǵy mektepter IV toqsanda oqytýdyń aralas formatyna kóshedi. Iаǵnı, óńir táýekeli tómen nemese ortasha aımaqtarda bolǵan jaǵdaıda pánderdiń bir bóligi dástúrli túrde, bir bóligi qashyqtan oqytylady. Al, 300 oqýshyǵa deıingi kontıngenti bar mektepter oqý úrdisin dástúrli túrde jalǵastyrady. Bul týraly О́ńirlik kommýnıkasııalar qyzmetinde ótken brıfıngte Adamı áleýetti damytý basqarmasynyń basshysy Raqymbek Jolaev málimdedi.

Batys Qazaqstan oblysy bilim basqarmasynyń basshysy Aıgúl Myńbaevanyń habarlaýynsha, 379 memlekettik mektep bolsa, olardyń 279-y shtattyq jáne 100 aralas formatta jumys jasaıdy. Jalpy memlekettik mektepterdegi oqýshylar kontıngenti 110 myńnan astam bolsa, olardyń 25,4%-y (28 myńnan astam oqýshy) shtattyq rejımde, al 74,6%-y (82 myńnan astam oqýshy) qashyqtan oqytylyp jatyr. 

Aqtóbe oblysy Bilim basqarmasynyń basshysy Joldas Batyrhan málimdeýinshe, 4-toqsanda kontıngenti 300 oqýshyǵa deı̆ingi qalalyq jáne aýyldyq 246 mektep dástúrli formatta jumys isteıdi. 170 mektepte 135 782 oqýshyǵa qashyqtan bilim beriledi. Jańa qaýlyǵa sáı̆kes 9, 11 (12) synyp oqýshylary balalar sanyn 25-ten asyrmaı̆ aralas formatta oqytylatyn bolady. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir