• USD 472.17

  • EUR 495.5

  • RUB 7.57

  • CNY 67.74

09 Jeltoqsan, 11:59:43
Almaty
-8°

Májilis depýtaty Bekbolat Tileýhan  8-naýryz kúni Almaty qalasynda ótken 5 femınıstik uıymnyń sherýin synǵa alyp, premer-mınıstrdiń orynbasary Eraly Toǵjanovqa depýtattyq saýal joldady.

Depýtattyń sózinshe, sherý barysynda Almaty qalasy ákimdigine bergen ótinimde kórsetilgen suraqtardan basqa qazaq halqynyń dúnıetanymyna jat nárseler kóterilgen. Ol Qazaqstanda tyıym salynǵan ekstremıstik uıymnyń (kóshe partııasy) lozýngtaryn kótergender bolǵanyn baıqaǵanyn da aıtady.

– Bul sherý bir qaraǵanda turmystyq zorlyq-zombylyqqa qarsy sherý sekildi kórinis alady. Alaıda sherýdiń kún tártibi múlde basqa arnaǵa burylyp ketti. Belsendilerdiń sóılegen sózderi búkil áleýmettik jelilerde keńinen taralyp jatyr. Ol vıdeolardy bizdiń balalarymyz da kóredi. Bul barshamyzdyń rýhanı qundylyqtarymyzǵa jasalǵan shabýyl dep túsinemiz. Sol sebepti de urpaqtarymyzdy osy syndy aqparattardan saqtaý jolynda áreket etýimiz qajet, – dedi B. Tileýhan.

Sondaı-aq depýtat Almatydaǵy sherý zań talaptaryna saı ótkenin, ekstremıstik toptar erkin alańǵa shyǵýǵa qala ákimdiginen ruqsat alǵan, almaǵanyn anyqtap, balalardy zııandy aqparattan qorǵaý baǵytynda birjynysty nekeden saqtaıtyn zań normalaryn parlamentke engizýdi usyndy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir