Foto: Ashyq derekkóz
"Jasandyserik sýretteri Soltústik Koreıanyń ıadrolyq mekemesindegi belsendiliktiń artqanyn kórsetedi" dep habarlady NBC News basylymy.
"Bul Kım Chen Ynnyń rejımi ıadrolyq qarýǵa arnalǵan plýtonııdi qaıta óńdeýge daıyndalyp jatqanyn nemese qazirdiń ózinde bastap úlgergenin bildiredi" deıdi keıbir sarapshylar.
Kommersııalyq jasandyserikterdiń fotosýretterinde soltústikkoreıalyq Iongbendegi radıohımııalyq zerthana ornalasqan shaǵyn ǵımarattan jáne oǵan jaqyn ornalasqan jylý ortalyǵynan bý nemese tútin kóterilip jatqany kórsetilgen. Zerthana ıadrolyq bombalarǵa arnalǵan plýtonıı alý úshin jumsalatyn otyn taıaqshalaryn qaıta óńdeıdi.
Maxar Technologies jáne Strategııalyq, halyqaralyq zertteýler ortalyǵy shyǵarǵan fotosýretter Beyond Parallel analıtıkalyq ortalyǵynyń saıtyna ornalastyrylǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir