• USD 424.85

  • EUR 504.21

  • RUB 5.84

  • CNY 65.86

18 Qazan, 11:24:01
Almaty
+11°

Almatyda qatań karantın engizilgeli turǵyndar kúnkóris qıyndap ketkenin aıtady. Onyń ústine olardy tanysy barlardyń karantın talaptaryn oryndamaıtyny ashyndyrady.

"Bolashaq" bazarynda balalar kıimin satatyn Amankúl Quttymuratova bazar jabylǵaly jaǵdaıynyń qıyndaǵanyn jetkizdi.

– 2013 jyldan beri osy bazarda isteımin. Naýryz merekesiniń aldynda bazardy jaýyp tastady. 27 naýryzda jumysymyzdy bastaımyz dep qýanyp otyrǵanda karantındi taǵy 2 aptaǵa sozdy. Onyń aldynda qoldaǵy bar aqshamyzǵa taýar alyp qoıǵanbyz. Endi ne isterimizdi bilmeı, kúıeýimniń bir aılyǵyna qarap otyrmyz. Negizgi nápaqamyz osy saýda edi. Jumys toqtaǵaly turmysymyz qıyndap ketti. Ýaqytsha jumystar da shyqpaı qoıdy. Oryn bar jerler turaqty adam kerek deıdi. Aı  saıyn 80 myń teńge kredıt tóleımin. Balam ýnıversıtette aqyly bólimde oqıdy. Onyń da aqshasyn tóleıtin ýaqyt jaqyndap qaldy. Jandarbek Bekshın myrza ne istep, ne bitirip otyrǵanyn túsinbeımin. Japsa, barlyǵyn birdeı japsyn. О́zim Almatyǵa jaqyn Qarasaı aýdanynda turatyndyqtan, Altyn orda bazarynyń istep turǵanyn kórip júrmin. Bazarlardyń jumysyn belgili bir ýaqytqa deıin shektese oǵan da kónemiz ǵoı. 5 kún jumys istetip, senbi, jeksenbi toqtatsa da meıli. Qazir halyq kredıtke baılanǵan. Jumys toqtap tursa, kredıtti qalaı tóleımiz?! 12 sáýirge deıin bazar jumysyna ruqsat berse eken, – deıdi saýdager. 

Asaba Meıirbek Baıshaǵyrov karantınge qaramastan toıǵa shyǵyp júrgen áriptesterin tolyq qoldaıtynyn jasyrmady.

– 2013-ten beri toı salasynda qyzmet etip kelemin. Karantın bárimizge qıyn bolyp jatyr. Dese de jasyratyn nesi bar, karantındi uzartqanymen qazaq toı jasaýdy toqtatpaıdy. Qansha jerden shekteý qoıylsa da halyq tyǵylyp toı jasap jatyr. Lokdaýndy eskermeı toıǵa shyǵyp júrgen áriptesterim týraly eshteńe aıta almaımyn. О́ıtkeni olardyń biri ózimmin. Bizge de birdeńe qylyp kún kórý kerek. Onyń ústine úkimet barlyq meıramhana, kafe, saýda oryndarynyń jumysyna shekteý qoısa túsinetin edim. Al qazir keı nysandar jumys istep turǵanyn bárimiz kórip júrmiz. Sonda olardyń jumysy zańdy eken de, bizdiń jumysymyz zańsyz ba. Bul ádil me?! Zań ortaq bolýy kerek qoı, –  dedi asaba.

Karantınniń kúsheıtilýine baılanysty tabyssyz qalǵandardyń biri – Tamara Kúzembaeva. Ol – 8 jyldan beri aspaz.

– Almatydaǵy kishigirim "Shabada" degen kafede 8 jyldan beri aspazbyn. Karantın kúsheıtilgeli jumyssyz otyrmyn. Kóptegen jerlerge sóıleskenimde karantınge baılanysty istemeıtinderin aıtty. Qazir jumys taba almaı úıde otyrmyz. Densaýlyǵymyz úshin kónýge barmyz. Biraq keı jerlerde jasyryn toı jasap, jumysyn toqtatpaǵandarǵa qarap" úkimet osy ne qarap otyr" deısiń. Eshkim eshkimniń yrysyn qyzǵanbaıdy ǵoı. Biraq talap barlyǵyna ortaq bolýy kerek qoı. Jabatyn bolsa, barlyq kafelerdi jabýy qajet. Sonda "kryshasy" barlar kún kórip, biz sııaqty qarapaıym halyq ash otyrýy qajet pe?! О́zim jalǵyzbasty ana bolǵandyqtan, turmys jaǵynan qıyndyq týyp jatyr. Tabys joq bolǵandyqtan kredıt tóleı almaı otyrmyn, – deıdi Tamara.

Qamshy.kz

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir