• USD 424.85

  • EUR 504.21

  • RUB 5.84

  • CNY 65.86

27 Qańtar, 21:06:50
Almaty
-7°

19 jastaǵy Aıajan Edilovany qatygezdikpen óltirdi delingen kúdiktiniń jeke basyna qatysty birqatar tyń derek anyqtaldy, dep habarlady Astana telearnasy.

Telearna málimetinshe, kúdikti qazirgi Ońtústik Qazaqstan Medısına akademııasynda eki jyl oqyǵan. Burynǵy stýdentteriniń bulaı tanylýy qyryq jyldyq tarıhy bar oqý ornynyń ujymyna da ońaı soqpaǵan.

Fakýltet dekany Qanat Dáýrenbekovtiń aıtýynsha, Rahmanberdi Tórebekov atalǵan oqý ornyna 2012 jyly Farmasevtıka mamandyǵyna grantqa túsken. Biraq ekinshi kýrstan soń akademııalyq qaryzdaryna baılanysty oqýdan shyǵarylǵan. 

– Oqýdan shyǵarylýyna sabaqtarǵa durys qatyspaǵanyy sebep bolǵan. Pánder boıynsha emtıhan sessııasyna jiberilmegen. Al endi minezine keletin bolsaq, áriptesterimizdiń aıtýyna qaraǵanda, óte salmaqty bolǵan. О́ziniń áriptesterimen, qurby-qurdastarymen nemese oqytýshylarmen janjalǵa túspegen, – dedi oqý ornynyń dekany Qanat Dáýrenbekov.

28 jastaǵy kúdikti Túrkistan oblysy Shardara aýdany Jaýshyqum aýylynyń týmasy. Ol sondaǵy jalpy orta mektepti 2010 jyly "Altyn belgimen" bitergen. Kúdikti Rahmanberdi Tórebekovtyń ata-anasy muǵalim bolǵan.

Jaýshyqum aýyly ákiminiń málimetine saı, kúdiktiniń ata-anasy qazir zeınette, úsh perzenti bar. Eki jyldan astam ýaqyt buryn Túrkistanǵa qonys aýdarǵan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir