• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 04:37:02
Almaty

Qazaqstannyń "qyzyl" aımaǵyndaǵy óńirlerde sabaq 3-toqsandaǵydaı formatta jalǵasady. Bul týraly bilim jáne ǵylym vıse-mınıstri Sholpan Karınova mınıstrliktiń apparat jınalysynda málimdedi.

– 1 sáýirde 4-toqsan bastalady. 4-toqsanda ádettegideı oqýshy sany 300-ge deıingi mektepterde bir synypta oqýshy sany 25 bala jınaqtalyp, shtattyq rejımde oqý jalǵastyrylady. Sonymen qatar 4-toqsanǵa engizilip otyrǵan jańa format – jasyl jáne sary aımaqta, ıaǵnı táýekeli tómen jáne ortasha deńgeıdegi óńirlerde aralas oqytý barlyq synyptar úshin usynylady, – dedi Sholpan Karınova.

Vıse-mınıstr bul jaǵdaıda birqatar máselege nazar aýdarý qajettigin eske saldy.

– Birinshi – karantın talaptary qatań oryndalýy kerek. Bilim basqarmalary jáne ár mekteptiń ákimshiligi tıisti sanıtarlyq talaptardy saqtaý boıynsha tolyq jumys júrgizýi qajet. Ekinshiden, áleýmettik araqashyqtyq  saqtaý jáne oqýshylar men pedagogtardyń jeke gıgıenasyn saqtaý máselelerin eskerý kerek. Oqýshylar aýyrǵan jaǵdaıda ne naýqastarmen baılanysta bolǵanda jáne ata-ananyń ótinishine baılanysty qashyqtan oqytý múmkindigi saqtalady, – dedi ol.

Sholpan Karınova mektep ashanalarynyń jumys isteýi jergilikti sanıtar dárigerlermen birigip sheshilýi kerektigin atap aıtty. 

– Negizgi pánder shtattyq rejımde oqytylady. Al mýzyka, eńbek, ınformatıka, quqyq negizderi, grafıka jáne jobalaý, kásipkerlik negizderi sekildi pánder qashyqtan oqytylady. Árbir synypta 15 baladan aspaýǵa tıis, al sabaqtardyń uzaqtyǵy 40 mınýtqa sozylady.

Qazirgi ýaqytta "qyzyl" aımaqtaǵy óńirlerde sabaq 3-toqsandaǵydaı formatta jalǵasady. Demek, 1-5 jáne 9 ben 11 synyptarda aralas oqytý formaty qoldanylady. Al basqa synyptar qashyqtan oqı beredi, – dedi vıse-mınıstr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir