Foto: regnum.ru
Erteń, 31 naýryz kúni Nur-Sultan qalasynyń ýaqyty boıynsha saǵat 17:00-de onlaın formatta túrkitildes memleketterdiń yntymaqtastyq keńesiniń beıresmı sammıti ótedi. Bul týraly prezıdenttiń baspasóz hatshysy Berik Ýálı facebook paraqshasynda habarlady.
– Beıresmı sammıtti prezıdent Qasym-Jomart Toqaev ashyp, júrgizedi. Jıynǵa Qazaqstannyń tuńǵysh prezıdenti – elbasy Nursultan Nazarbaev, Túrkııa prezıdenti Rejep Taııp Erdoǵan, Ázerbaıjan prezıdenti Ilham Álıev, О́zbekstan prezıdenti Shavkat Mırzııoev, Qyrǵyzstan prezıdenti Sadyr Japarov, Túrikmenstan prezıdenti Gýrbangýly Berdimuhamedov, Vengrııa premer-mınıstri Vıktor Orban, Túrki tildes memleketterdiń yntymaqtastyq keńesiniń bas hatshysy Baǵdad Ámireev qatysady, – dep jazdy ol.
Jıyn barysynda baýyrlas memleketter arasyndaǵy saýda-ekonomıkalyq, mádenı-gýmanıtarlyq salalar boıynsha yntymaqtastyq jáne ony odan ári damytý máseleleri talqylanady.
"Sammıt qorytyndysy boıynsha túrki elderiniń mádenı qundylyqtaryna jáne Keńestiń mártebesine qatysty deklarasııa qabyldanady dep josparlanyp otyr" delingen Berik Ýálıdiń jazbasynda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir