• USD 468.56

  • EUR 497.56

  • RUB 7.3

  • CNY 67.18

29 Naýryz, 10:08:06
Almaty
+35°

"Qazaqstan temir joly" ulttyq kompanııasy basqarma basshysy Saýat Myńbaev densaýlyq jaǵdaıyna baılanysty qyzmetinen ketetini týraly aqparat tarady.

Bul týraly aldymen YEDILOV ONLINE telegram-kanaly habarlady.

"Buǵan deıin áleýmettik jelide onyń (Saýat Myńbaevtyń - red.) omyrtqasyn zaqymdap alǵany, shuǵyl túrde Germanııanyń "Sharıte" aýrýhanasynda jetkizilgeni  týraly aqparat taraǵan" dep jazdy telegram-kanal.

Artynsha Nege.kz saıty da bul týraly jazyp, óziniń senimdi derekkózi aqparatty rastaǵanyn habarlady. Portaldyń derekkózi "onyń omyrtqadan alǵan jaraqaty tym aýyr. Áli qozǵala almaıdy. Jaǵdaıy múshkil. Sol sebepti qyzmetten ketýge aryz jazýǵa májbúr boldy" dep málimdegen.

Saýat Myńbaevtyń "Qazaqstan temir joly" ulttyq kompanııasynyń basshysy qyzmetinen ketetini resmı túrde rastalǵan joq.

Alaıda YEDILOV ONLINE telegram-kanaly onyń ornyna barýy yqtımal kandıtattardyń esimi jarııalanyp jatyr. Telegram-kanal dereginshe, ulttyq kompanııa basshylyǵyna prezıdent kómekshisi Qanat Bozymbaev nemese "Qazatomprom" kompanııasynyń basqarma basshysy Ǵalymjan Pirmanov taǵaıyndalýy múmkin.

 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir