Kórneki sýret/azh.kz saıty
Atyraý oblysy Qurmanǵazy aýylynda 25 jastaǵy polısııa qyzmetkeri asylyp qalǵan, dep jazady Aq Jaıyq saıty. Ol Teńiz polısııa bóliminde kezekshiniń kómekshisi bolyp qyzmet etken.
Polıseıdiń denesi stadıondaǵy týrnıkte asylyp turǵan jerinen tabylǵan. Oqıǵa boıynsha qylmystyq kodekstiń 105-baby (ózin-ózi óltirýge deıin jetkizý) boıynsha is qozǵaý máselesi qarastyrylyp, sotqa deıingi tergeý júrip jatyr.
Basylym bul Atyraý oblysynda naýryz aıynda bolǵan alǵashqy polıseı qazasy emes ekenin jazdy.
20 naýryzda Mahambet aýdany Oral ózininiń boıynan 25 jastaǵy polıseıdiń denesi tabylǵan. Múrde tabylǵan jerde marqumnyń kóligi de turǵan. Atalǵan derek boıynsha tergeý júrip jatyr.
Al 19 naýryzda Bas polısııa basqarmasynda psıholog bolyp istegen polısııa leıtenanty úıinde kóz jumǵan. Qaıǵyly oqıǵa polıseıdiń úılený toıyna sanaýly kún qalǵanda bolǵan. Atyraý polısııa basqarmasynyń málimetinshe, quqyq qorǵaý organy qyzmetkeriniń qazasyna syrqat sebep bolǵan.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir